Mme N̄ke 19;1-29
19 Ubuene eke asan̄ade ke nsọn̄ọnda ọfọn+ akan owo eke akwan̄ade ke n̄kpọkinua, ye owo eke edide ndisịme.+
2 N̄ko, ifọnke ukpọn̄ anana ifiọk,+ ndien owo eke ọsọpde ikpat anam idiọkn̄kpọ.+
3 Ndisịme ido owo abiat usụn̄ esie,+ ndien enye ayat esịt ye Jehovah.+
4 Inyene anam mme ufan ẹwak,+ edi ubuene adadian̄ade ufan.+
5 Ntiense nsu idibọhọke ufen,+ owo eke osude nsu idinyụn̄ ibọhọke.+
6 Ediwak owo ẹyom mfọn ẹto ọbọn̄,+ kpukpru owo ẹnyụn̄ ẹdi ufan ye owo emi ọnọde enọ.+
7 Kpukpru nditọeka ubuene ẹsasua enye.+ Didie ndien ke mme n̄kpet n̄kpet ufan mîdidaha ata nsannsan ikpọn̄ enye!+ Enye aka ebịne mmọ nditịn̄ ikọ; mmọ idụhe.+
8 Owo eke enyenede esịt ọniọn̄+ ama ukpọn̄ esie. Owo eke ekpemede mbufiọk oyokụt eti n̄kpọ.+
9 Ntiense nsu idibọhọke ufen,+ owo eke osude nsu ayatak.+
10 Inem uwem idotke ndisịme owo.+ N̄wan̄wadise asan̄autom ndikara mbọn̄!+
11 Ikike owo iyakke enye ọsọp iyatesịt,+ onyụn̄ eye enye ndifen ndudue.+
12 Ifụtesịt edidem ebiet n̄kụni abak ayara ekpe,+ edi mfọn esie ebiet mbara ke ikọn̄.+
13 Ndisịme eyen edi afanikọn̄ ọnọ ete esie,+ ndien utọk n̄wanndọ etie nte ndụtndụt ọkọmufọk emi ebịnde-bịn owo.+
14 Ufọk ye inyene ẹdi udeme emi ẹtode mme ete,+ edi n̄wanndọ emi enyenede ọniọn̄ oto Jehovah.+
15 Ifu esịn ọkpọsọn̄ idap,+ ukpọn̄ eke ọnuọnde ubọk oyonyụn̄ etie biọn̄.+
16 Ekpeme ewụhọ ekpeme ukpọn̄ esie;+ ẹyewot owo eke mîkereke iban̄a usụn̄ esie.+
17 Owo eke owụtde usụhọde owo mfọn ọnọ Jehovah ebuọt,+ Enye oyonyụn̄ ọnọ enye usiene edinam esie.+
18 Tụnọ eyen fo ke ini idotenyịn osụk odude;+ ndien kûyak ukpọn̄ fo oyom n̄kpa esie.+
19 Owo akwa ifụtesịt eyekpe isop;+ koro edieke afo afakde enye, afo ayafak enye ediwak ini.+
20 Kop item nyụn̄ bọ ntụnọ,+ man afo ekpenyene ọniọn̄ ke ini iso fo.+
21 Ediwak uduak ẹdu owo ke esịt,+ edi uduak Jehovah edisọn̄ọ ada.+
22 Ima-mfọnido owo esịn ẹyom owo;+ ubuene onyụn̄ ọfọn akan owo nsu.+
23 Mbak Jehovah ada aka uwem,+ ndien owo eyede idap okop uyụhọ ke okoneyo;+ idiọkn̄kpọ idisịmke enye.+
24 Ifu obụk ubọk ke usan udia;+ enye ikemeke ndifiak nda enye n̄ka inua.+
25 Mia asak-nsahi+ man ọkọi enyene mbufiọk;+ nyụn̄ sua nọ asian man enye enyene ifiọk.+
26 Eyen eke ofiomode ete onyụn̄ ebịnde eka efep+ anam n̄kpọ o-bụt ye esuene.+
27 Eyen mi, nditre ndibọ ntụnọ ọwọrọ ndiyo n̄kpọn̄ ikọ ifiọk.+
28 Oburobụt ntiense asasak unenikpe,+ inua mme idiọkowo onyụn̄ emen ibak esịn ke idịbi.+
29 Ẹmenịm ubiereikpe ẹnọ mbon nsahi,+ ẹnyụn̄ ẹnịm ikpa ẹnọ edem mbon ndisịme.+
