Mark 13;1-37
13 Nte enye ọwọrọde ke temple, kiet ke otu mbet esie ọdọhọ enye ete: “Andikpep, sese! orụk itiat ye orụk ufọk emi!”+
2 Edi, Jesus ọdọhọ enye ete: “Nte omokụt ikpọ ufọk emi?+ Owo idikpọn̄ke itiat kiet ke enyọn̄ itiat+ efen eke owo mîdidorokede iduọk.”+
3 Ndien nte enye etiede ke Obot Olive asak iso ese temple, Peter+ ye James ye John ye Andrew ẹbụp enye ke ndịbe ẹte:+
4 “Sian nnyịn, Ini ewe ke mme n̄kpọ emi ẹditịbe, nso idinyụn̄ idi idiọn̄ọ ke ini kpukpru n̄kpọ emi ẹkperede ndisịm utịt?”+
5 Ntre Jesus ọtọn̄ọ ndidọhọ mmọ ete: “Ẹkpeme mbak owo baba kiet edida mbufo otụn usụn̄.+
6 Ediwak owo ẹyedi ke enyịn̄ mi, ẹnyụn̄ ẹdọhọ ẹte, ‘Ami ndi enye,’ ẹyenyụn̄ ẹda ediwak owo ẹtụn usụn̄.+
7 Akan oro, ke ini mbufo ẹdikopde ẹban̄a ekọn̄ ye mme etop ekọn̄, ẹkûkop ndịk; ana mme n̄kpọ emi ẹda itie, edi idịghe utịt kan̄a.+
8 “Koro idụt ayadaha an̄wana ye idụt, obio ubọn̄ kiet oyonyụn̄ adaha an̄wana ye obio ubọn̄ en̄wen,+ unyekisọn̄+ ẹyedu ke nsio nsio ebiet, akan̄+ oyodu. Mme n̄kpọ emi ẹdi ntọn̄ọ ubiak uman.+
9 “Amaedi mbufo, ẹkpeme idem mbufo; mme owo ẹyeda mbufo ẹyak ẹnọ mme esopikpe n̄kann̄kụk,+ ẹyenyụn̄ ẹmia mbufo ke mme synagogue+ ẹnyụn̄ ẹnam mbufo ẹda ke iso mme andikara ye ndidem ke ntak mi, man ẹdi ntiense ẹnọ mmọ.+
10 N̄ko, ẹnyene ndibem iso n̄kwọrọ+ eti mbụk+ ke kpukpru idụt.
11 Edi ke ini mmọ ẹdade mbufo ẹka ndiyak nnọ, ẹkûbem iso ẹtịmede esịt ẹban̄a se ẹditịn̄de;+ edi se ededi eke ẹdinọde mbufo ke hour oro, ẹtịn̄ oro, koro idịghe mbufo ẹtịn̄, edi edi edisana spirit.+
12 N̄ko-n̄ko, eyeneka ayada eyeneka ọnọ n̄kpa, ete oyonyụn̄ ada eyen ọnọ,+ nditọ ẹyenyụn̄ ẹdaha ẹn̄wana ye ete ye eka ẹnyụn̄ ẹnam ẹwot mmọ;+
13 ndien mbufo ẹyedi mbon emi kpukpru owo ẹsuade ke ntak enyịn̄ mi.+ Edi ẹyenyan̄a+ owo eke ediyọde tutu esịm utịt.+
14 “Nte ededi, ke ini mbufo ẹkụtde mbubiam n̄kpọ+ oro adade nsobo+ edi nte adade ke ebiet emi enye mîkpadaha (yak andikot n̄wed anam n̄kpọ ye mbufiọk),+ adan̄aoro yak mbon oro ẹdude ke Judea ẹfehe ẹka ikpọ obot.+
15 Yak owo emi odude ke enyọn̄ ufọk okûsụhọde edi, okûnyụn̄ odụk ke esịt ndikemen n̄kpọ ekededi eke odude ke ufọk esie;+
16 ndien yak owo emi odude ke in̄wan̄ okûfiak aka ebịne mme n̄kpọ emi ẹdude ke edem ndimen ewụra esie.+
17 Mbọm iban idịbi ye mmọ emi ẹnọde nditọ eba ke mme usen oro!+
18 Ẹka iso ẹbọn̄ akam ẹte enye okûdi ke ini etuep;+
19 koro mme usen oro ẹdidi usen ukụt,+ orụk eke akanam mîdụhe toto ke editọn̄ọ emi Abasi okobotde mme n̄kpọ tutu esịm ini oro, idinyụn̄ idụhe aba.+
20 Ke akpanikọ, ke Jehovah+ mîkpesịbeke mme usen oro ẹmụhọ, baba owo* kiet ikpọbọhọke. Edi ke ntak ndimek+ ikọt esie emi enye emekde,+ enye esịbe mme usen oro ẹmụhọ.+
21 “Adan̄aoro, n̄ko, edieke owo ekededi ọdọhọde mbufo ete, ‘Sese! Christ mmọmi,’ ‘Sese! Enye mmọko,’+ ẹkûnịm ke akpanikọ.+
22 Koro mme Christ nsu ye mme prọfet nsu ẹyedaha ẹda+ ẹnyụn̄ ẹnam mme idiọn̄ọ ye mme utịben̄kpọ+ man, ke ẹkemede, ẹkpeda ndimek ikọt Abasi ẹtụn usụn̄.+
23 Edi, mbufo ẹkpeme;+ mmebem iso ntịn̄ kpukpru n̄kpọ nnọ mbufo.+
24 “Edi ke mme usen oro, ke ukụt oro ama ebe, utịn eyekịm, ọfiọn̄ idinyụn̄ inọhọ un̄wana esie,
25 ndien mme ntantaọfiọn̄ ẹyeto ke enyọn̄ ẹduọn̄ọ, ẹyenyụn̄ ẹnyen̄e mme odudu oro ẹdude ke enyọn̄.+
26 Ndien adan̄aoro mmọ ẹyekụt Eyen owo+ asan̄ade ke obubịt enyọn̄ edi ye akwa odudu ye ubọn̄.+
27 Ndien ekem enye oyosio mme angel ọdọn̄ oyonyụn̄ atan̄ ndimek ikọt+ esie ke ikpehe ofụm mbinan̄ obon ọtọkiet, ọtọn̄ọde ke utịt isọn̄ tutu esịm utịt ikpaenyọn̄.+
28 “Edi ẹkpep uwụtn̄kpọ emi ẹto eto fig: Ke ndondo oro nsek n̄kọk esie esehede onyụn̄ osion̄ode ikọn̄, mbufo ẹfiọk ẹte ndaeyo ke ekpere.+
29 Kpasụk ntre n̄ko mbufo, ke ini mbufo ẹkụtde nte mme n̄kpọ emi ẹtịbede, ẹfiọk ẹte enye ekpere, odu ke enyịnusụn̄.+
30 Ke akpanikọ ke ndọhọ mbufo nte emana emi idibehe ifep tutu kpukpru n̄kpọ emi ẹwọrọ ẹsu.+
31 Enyọn̄+ ye isọn̄ ẹyebe ẹfep, edi ikọ+ mi idibehe ifep.+
32 “Baba owo kiet ifiọkke usen m̀mê hour oro, mme angel ke heaven ifiọkke, Eyen inyụn̄ ifiọkke, ke mîbọhọke Ete.+
33 Ẹka iso ẹse, ẹdu ke edidemede,+ koro mbufo mîfiọkke edikem ini.+
34 Etie nte owo emi ọkpọn̄de ufọk esie adaha aka esenidụt+ onyụn̄ ọnọ ifịn esie odudu, ọnọ owo kiet kiet utom esie, onyụn̄ owụk ekpeme-usụn̄ ete odu ke ukpeme.
35 Ke ntre ẹdu ke ukpeme,+ koro mbufo mîfiọkke ini emi eteufọk edidide, m̀mê ke mbubreyo m̀mê ke ufọt okoneyo m̀mê ke ini ekikọ ọkpọkde m̀mê ke tụhi-tụhi usenubọk;+
36 man ke ini enye edide edisịm ke mbuari, enye edikụt mbufo nte ẹdede idap.+
37 Edi se ndọhọde mbufo ke ndọhọ kpukpru owo nte, Ẹdu ke ukpeme.”+
Mme Ikọ Idakisọn̄
^ At. Ed., “obụkidem.”
