Psalm 78;1-72
Maskil. Eke Asaph.+
78 O ikọt mi, ẹkop ibet mi;+Ẹkpan̄ utọn̄ mbufo ke ikọ inua mi.+
2 Ami nyatat inua mi ntịn̄ ikọ ke n̄ke;+Nyetịn̄ ikọ eset emi ayan̄ade owo ifiọk,+
3 Emi nnyịn ikokopde inyụn̄ ifiọkde,+Emi mme ete nnyịn ẹkenyụn̄ ẹbụkde ẹnọ nnyịn;+
4 Emi nnyịn mîdịpke nditọ mmọ,+Iyobụk mmọ inọ emana emi edide,+Ibụk mme edinam Jehovah oro ẹdotde itoro ye odudu esie+Ye mme utịben̄kpọ emi enye anamde.+
5 Ndien enye owụk n̄kpọ editi ke Jacob,+Onyụn̄ ọnọ ibet ke Israel,+Mme n̄kpọ emi enye okowụkde mme ete ete nnyịn,+Ete ẹteme nditọ mmọ;+
6 Man emana emi edidide, kpa nditọ oro ẹdimanade, ẹkpefiọk mmọ,+Man mmọ ẹkpedaha ẹda ẹbụk mmọ ẹnọ nditọ mmọ,+
7 Man mmọ ẹkpenyụn̄ ẹbuọt idem ke Abasi+Ẹkûnyụn̄ ẹfre mme edinam Abasi+ edi ẹnịm mme ewụhọ esie.+
8 Man mmọ ẹkûnyụn̄ ẹbiet mme ete ete mmọ,+Kpa emana nsọn̄ibuot ye itụn,+Emana emi mîketịmke esịt mmọ+Emi spirit mmọ mîkonyụn̄ isọn̄ọke ida ye Abasi.+
9 Nditọ Ephraim, okposụkedi ẹkedide mme otop utịgha,+Ẹma ẹfiak edem ke usen en̄wan.+
10 Mmọ ikenịmke ediomi Abasi,+Ikonyụn̄ inyịmeke ndisan̄a ke ibet esie.+
11 N̄ko, mmọ ẹma ẹfre mme edinam esie+Ye mme utịbe utom oro enye akanamde mmọ ẹkụt.+
12 Enye ama anam utịben̄kpọ ke iso mme ete ete mmọ+Ke isọn̄ Egypt,+ kpa in̄wan̄ Zoan.+
13 Enye abahade inyan̄, man anam mmọ ẹsan̄a ẹbe,+Enye onyụn̄ anam mmọn̄ adaha ada nte ukpehemmọn̄.+
14 Ndien enye aka iso ada obubịt enyọn̄ ada mmọ usụn̄ ke uwemeyo+Ye un̄wana ikan̄ ke ofụri okoneyo.+
15 Enye asiak mme itiat ke wilderness,+Osio mmọn̄ nte udem man anam mmọ ẹn̄wọn̄ ẹyụhọ.+
16 Ndien enye anam mme idịm ẹsiaha ke akwa itiat+Onyụn̄ anam mmọn̄ ewet osụhọde nte mme akpa.+
17 Ndien mmọ ẹdọdiọn̄ ẹnam idiọkn̄kpọ ẹdue enye+Ke ndisọn̄ ibuot ye Ata Edikon̄ ke edisat ebiet;+
18 Mmọ ẹnyụn̄ ẹdomo Abasi ke esịt mmọ+Ke ndiben̄e se ukpọn̄ mmọ adiade.+
19 Ntre mmọ ẹtọn̄ọ ndinam ikọ ye Abasi.+Mmọ ẹte: “Nte Abasi ekeme ndibri okpokoro ke wilderness?”+
20 Sese! Enye amia itiat+Man mmọn̄ ọwọrọ, mme idịm ẹnyụn̄ ẹfiọrọ.+“Nte enye ekeme n̄ko ndinọ udia,+Mîdịghe nte enye ekeme nditịm n̄kpọ udu-uwem nnọ ikọt esie?”+
21 Ntak edi oro Jehovah okokopde onyụn̄ ofụtde esịt;+Ndien ikan̄ obụbede ata Jacob,+Enye onyụn̄ ayat esịt ye Israel.+
22 Koro mmọ mîkọbuọtke idem ye Abasi,+Mîkonyụn̄ ibuọtke idem ke edinyan̄a esie.+
23 Ndien enye ọnọ idiọk enyọn̄ ewụhọ,Onyụn̄ eberede mme usụn̄ heaven.+
24 Ndien enye anam manna edep ọnọ mmọ ẹdia,+Onyụn̄ ọnọ mmọ udia emi otode heaven.+
25 Mme owo ẹta uyo n̄kpọsọn̄ owo;+Enye ọnọ mmọ udia ẹdia ẹyụhọ.+
26 Enye anam ofụm edem usiahautịn oto heaven abara+Onyụn̄ ada odudu esie anam ofụm edem usụk efịme.+
27 Ndien enye anam n̄kpọ udu-uwem ẹdep ọnọ mmọ nte ntọn̄,+Onyụn̄ anam mme inuen mba ẹdep nte ntan inyan̄.+
28 Ndien enye anam mmọ ẹduọn̄ọ ke ufọt itienna esie,+Ẹkan mme tent esie ẹkụk.+
29 Ndien mmọ ẹta ẹnyụn̄ ẹyụhọ etieti,+Enye onyụn̄ ọnọ mmọ se mmọ ẹkeyomde.+
30 Mmọ ẹkaka iso ẹyom,Ke adan̄aemi udia osụk odude mmọ ke inua,+
31 Iyatesịt Abasi ọdọk etiene mmọ.+Ndien enye owot mmọ eke ẹkopde idem ke otu mmọ;+Enye onyụn̄ anam n̄kparawa Israel ẹduọn̄ọ.
32 Mmọ ẹdọdiọn̄ ẹnam idiọkn̄kpọ kpa ye ofụri emi+Inyụn̄ ibuọtke idem ke mme utịbe utom esie.+
33 Ntre enye anam mme usen mmọ ẹsịm utịt nte ibifịk,+Onyụn̄ anam mme isua mmọ ẹsịm utịt ke ndutịme.
34 Adan̄a nte enye owowot mmọ, mmọ ẹnyụn̄ ẹyom enye,+Mmọ ẹnyụn̄ ẹfiak ẹdiyom Abasi.+
35 Ndien mmọ ẹtọn̄ọ nditi ke Abasi ekedi Akwa Itiat+ mmimọ,Ye nte ke Abasi, kpa Ata Edikon̄, ekedi Osio-Usiene+ mmimọ.
36 Ndien mmọ ẹdomo ndibian̄a enye ke inua mmọ;+Ẹnyụn̄ ẹdomo ndisu nsu nnọ enye ke edeme mmọ.+
37 Ndien esịt mmọ ikọsọn̄ọke ida ye enye;+Mmọ ikonyụn̄ inamke akpanikọ ke ediomi esie.+
38 Edi enye okop mbọm;+ ndien ofụk ndudue+ mmọ inyụn̄ isoboke mmọ.+Enye akabade ọkpọn̄ iyatesịt esie ediwak ini,+Inyụn̄ iwụtke ofụri iyatesịt esie.
39 Ndien enye eti ete ke mmọ ẹdi obụk,+Nte ke spirit eke ọwọrọde ifiakke idi.+
40 Adan̄a didie ke mmọ ẹkesọn̄ ibuot ye enye ke wilderness,+Ẹnyụn̄ ẹnam enye ayat esịt ke desat!+
41 Ndien mmọ ẹdomo Abasi ediwak ini,+Ẹnyụn̄ ẹnam Edisana Abasi Israel okop ubiak.+
42 Mmọ itịghi ubọk esie,+Kpa usen oro enye akafakde mmọ osio asua ke ubọk,+
43 Nte enye akanamde mme idiọn̄ọ esie ke Egypt+Ye mme utịben̄kpọ esie ke in̄wan̄ Zoan;+
44 Nte enye okonyụn̄ anamde mme edịk Nile mmọ ẹkabade iyịp,+Man mmọ ẹkûkeme ndin̄wọn̄ mmọn̄ ke mme idịm mmọ.+
45 Enye ọdọn̄ okpụm ọnọ mmọ, man ata mmọ;+Onyụn̄ ọdọn̄ mfọt, man osobo mmọ.+
46 Ndien enye ada mbun̄wụm mmọ ọnọ mfem,Onyụn̄ ada utom mmọ ọnọ n̄kukun̄kpọyọriyọ.+
47 Enye ada edịm itiat owot vine mmọ+Onyụn̄ ada edịm itiat owot mme eto sycamore mmọ.+
48 Ndien enye ayak mme unam mbiomo mmọ ọnọ edịm itiat+Onyụn̄ ayak ufene mmọ ọnọ idiọk udọn̄ọ.
49 Enye ọdọn̄ ikan̄-ikan̄ iyatesịt esie etiene mmọ,+Ifụtesịt ye ufen ye nnanenyịn,+Ọdọn̄ mme angel ẹda afanikọn̄ ẹtiene mmọ.+
50 Enye ọdiọn̄ usụn̄ ọnọ iyatesịt esie.+Enye ibiọn̄ọke ukpọn̄ mmọ ndikpa;Ndien ayak uwem mmọ ọnọ idiọk udọn̄ọ.+
51 Ekem enye owot kpukpru akpan ke Egypt,+Kpa ntọn̄ọ odudu ubon eyen, ke mme tent Ham.+
52 Ekem enye anam ikọt esie ẹdaha nte otu ufene,+Onyụn̄ ada mmọ usụn̄ nte otu ufene ke wilderness.+
53 Ndien enye ada mmọ usụn̄ ke ifụre, mmọ inyụn̄ ikopke ndịk;+Inyan̄ onyụn̄ ofụk mme asua mmọ.+
54 Ndien enye ada mmọ odụk edisana obio esie,+Kpa obot obot ikpehe emi enye akadade ubọk nnasia esie ọbọ enyene.+
55 Ke ntak mmọ ke enye ekebịn mme idụt efep,+Onyụn̄ ada urụk udomon̄kpọ edeme udeme ọnọ mmọ,+Man enye anam mme esien Israel ẹdụn̄ ke mme ufọk idemmọ.+
56 Ndien mmọ ẹtọn̄ọ ndidomo nnyụn̄ nsọn̄ ibuot ye Abasi kpa Ata Edikon̄,+Inyụn̄ inamke se enye etide mmọ.+
57 N̄ko, mmọ ẹfiak edem ẹnyụn̄ ẹnam abian̄a nte mme ete ete mmọ;+Mmọ ẹwọn̄ọde nte utịgha emi ọkpọhọde.+
58 Ndien mmọ ẹyat enye esịt ke mme edikon̄ ebiet mmọ,+Ẹnyụn̄ ẹda mme edisọi mbiet mmọ ẹnam enye efịbe ufụp.+
59 Abasi okop+ onyụn̄ ofụt esịt,+Ntre enye asua Israel etieti.+
60 Ekem enye ọkpọn̄ tent utuakibuot Shiloh,+Kpa tent emi enye okodụn̄de ke otu mme owo.+
61 Ndien enye ayak odudu esie ọnọ ntan̄mfep+Onyụn̄ ayak uyai esie esịn ke ubọk asua.+
62 Ndien enye ayak ikọt esie ọnọ akan̄kan̄,+Onyụn̄ ofụt esịt ye udeme esiemmọ.+
63 Ikan̄ ata n̄kparawa esie,Owo inyụn̄ itoroke nditọiban* esie.+
64 Ndien mme oku esie ẹduọn̄ọ ke akan̄kan̄,+Mme ebeakpa mmọ inyụn̄ ituaha eyet.+
65 Ndien Jehovah adaha ada nte edemede ke idap,+Nte ọkpọsọn̄ owo emi adahade ke idap wine.+
66 Ndien enye oto edem edem owot mme asua esie;+Esuene mmọ nsinsi esuene.+
67 Ndien enye esịn tent Joseph;+Enye inyụn̄ imekke esien Ephraim.+
68 Edi enye emek esien Judah,+Kpa Obot Zion, emi enye amade.+
69 Ndien enye ọbọp edisana ebiet esie okon̄,+Nte isọn̄ emi enye okowụkde ke nsinsi.+
70 Ntre enye emek David kpa asan̄autom esie+Onyụn̄ osio enye ke itienna ufene.+
71 Ete etre nditiene mme erọn̄ emi ẹnọde nditọ eba+Ada enye edi ete ekpeme Jacob ikọt imọ+Ye Israel udeme imọ.+
72 Ndien enye ọtọn̄ọ ndikpeme mmọ ke ofụri esịt esie,+Onyụn̄ ada usọ ubọk ada mmọ usụn̄.+
Mme Ikọ Idakisọn̄
^ At. Ed., “nditọiban emi mîfiọkke erenowo.”
