“Yak Ubọn̄ Fo Edi”—Ata Ediwak Owo Ẹsibọn̄ Akam Emi
Ndi akanam ọmọbọn̄ akam ọdọhọ Obio Ubọn̄ Abasi edi? Ebịghi ediwak owo ẹketọn̄ọ ndibọn̄ akam ẹte “Yak ubọn̄ fo edi.” Ntak emi mmọ ẹsibọn̄de akam emi? Sia Jesus ama ọdọhọ mbet esie ẹbọn̄ akam ẹdọhọ Obio Ubọn̄ Abasi edi.
Ke nsonso oro, idịghe kpukpru se Jesus eketịn̄de aban̄a Obio Ubọn̄ Abasi akan̄wan̄a mbet esie. Inikiet ntem mmọ ẹma ẹbụp enye ẹte: “Ọbọn̄, nte afo ọmọn̄ ọtọn̄ọ ntak ayak obio ubọn̄ ọnọ Israel ke emi?” Etie nte ama akpa mmọ idem nte Jesus mîkọdọhọke mmọ nnennen ini emi Obio Ubọn̄ Abasi edidide. (Utom 1:6, 7) Ndi oro ọwọrọ ke nnyịn ikemeke ndidiọn̄ọ se Obio Ubọn̄ Abasi edide ye ini emi enye edidide? Iwọrọke ntre!
Enyọn̄-Ukpeme emi ayan̄wam fi okụt ibọrọ mme mbụme emi:
Ntak emi iyomde Obio Ubọn̄ Abasi edi?
Anie edi Edidem Obio Ubọn̄ Abasi?
Ini ewe ke Obio Ubọn̄ Abasi edikara isọn̄ emi?
Nso ke Obio Ubọn̄ Abasi edinam?
Ntak emi akpanamde n̄kpọ idahaemi ndiwụt ke omoyom Obio Ubọn̄ Abasi?
Nso idi Obio Ubọn̄ Abasi?
Ekeme Ndidi Ayama Mmọ Emi N̄ko
ENYỌN̄-UKPEME
Ntak Emi Ikpọbọn̄de Akam Idọhọ Obio Ubọn̄ Abasi Edi?
Nso ke Obio Ubọn̄ emi edinam emi ukara owo mîkemeke ndinam?
ESSENTIAL BIBLE TEACHINGS
Nso Idi Obio Ubọn̄ Abasi?
Ini Jesus okodude mi ke isọn̄, enye ama esima ndikwọrọ mban̄a Obio Ubọn̄ Abasi. Mme owo ẹsima ndibọn̄ akam ẹte Obio Ubọn̄ oro edi.
