Ata ediwak owo ẹsikpa kpukpru isua ke ntak emi mmọ mînyeneke okụk idep udia inyụn̄ isọbọ idem ke ini ẹdọn̄ọde. Okposụkedi emi mme owo ke ndusụk itie ẹdide imọ, ata ediwak owo ke ererimbot emi ẹdi ọkpọikpọi ubuene. Bible owụt ke ubuene ikọtọn̄ọke mfịn.—Kot John 12:8.

Ubuene eyetre edieke ukara kiet akarade ofụri ererimbot, ndien ukara emi enyene ndibahade inyene ererimbot emi ukem ukem nnọ kpukpru owo. Ana ukara emi n̄ko etre ekọn̄ sia ekọn̄ esinen̄ede anam mme owo ẹbuene. Abasi ọn̄wọn̄ọ ndida utọ ukara oro ndi.—Kot Daniel 2:44.

Abasi emek Jesus Eyen esie ndikara ofụri ubonowo. (Psalm 2:4-8) Jesus ayanyan̄a mme ubuene onyụn̄ etre ufịk ye afai.—Kot Psalm 72:8, 12-14.

Jesus emi edide “Ọbọn̄ Emem” ayanam emem ye ifụre odu ke ofụri ererimbot. Kpukpru owo ke isọn̄ ini oro ẹdidụn̄ ke ufọk idemmọ, ẹkop inem utom mmọ, ẹnyụn̄ ẹnyene udia barasuene.—Kot Isaiah 9:6, 7; 65:21-23.