Ke ẹma ẹkekpe ikpe ke isua 15, ke December 11, 2012, ukara France ẹma ẹkpe Mme Ntiense Jehovah euro 6,373,987.31 ($8,294,320) emi edide, ₦1,285,619,600.00.

Ke 1998, ukara France ẹma ẹdọhọ Mme Ntiense Jehovah ẹkpe mmimọ tax oro ebede mbahade iba ke kpukpru etịbe imaesịt oro mmọ ẹkebọde, ndien ke 2003, mmọ ẹma ẹnyịk Mme Ntiense ẹnọ mmimọ ubak ke otu okụk oro. Esopikpe Europe Oro Esede Aban̄a Unen Owo ama ebiere ke ukara France ẹma ẹbiat unen Mme Ntiense Jehovah ke ndikenyịk mmọ ẹkpe tax, emi edide edieke mmọ ẹkpekekpede okụk oro, ọkpọkọwọrọ ndinyam kpukpru itieutom mmọ ke idụt oro nnyụn̄ ntre utom ukpep Bible mmọ. Sia Esopikpe oro ọkọdọhọde ke Mme Ntiense ndikpe utọ tax oro ikemke ye ibet, ukara France anam ndien se Esopikpe ekebierede, ke ndikpe Mme Ntiense Jehovah kpukpru okụk oro mmọ ẹkebọde ye udori, nnyụn̄ n̄kpe okụk oro Mme Ntiense ẹkebiatde ke ikpe oro.

Mbon Oro Ekemede Ndikot:

J. R. Brown, Ọfis Usuanetop, tel. +1 718 560 5000

France: Guy Canonici, tel. +33 2 32 25 55 55