Bulegoak dituen eraikin berriaren sarrera zorua eta landareak jartzeko prestatzen ari dira. Ezkerreko espaloiak berotze-sistema bat du. Horrela, oinezkoek ez dute neguan irristatzeko arriskurik izango. Eraikuntza honetan Zerbitzuak eskaintzen dituen eraikina, Sukurtsal-batzordearen bulegoa eta Berri Onen Zabaltze Saila daude.

Barne-diseinuko Saileko langile batek nibelatzeko makina erabiltzen du estaldura ipini aurretik. Nibelatzeko makina hautsa gutxitzen duen aspiradore bati konektatuta dago.

Berritutako harreraguneak bisitariei eta E bizilekuan bizi diren 200 baino lagun gehiagori ematen die ongi-etorria. Eraikuntza honetako berrikuntza-lanen artean, energia aurrezten duten leihoen eta suteen aurkako alarmaren instalazioa daude.

Teknikari batek kableak instalatzen ditu Trebatze Teknikoaren gune berrirako telekomunikazioen ekipamenduan. Eraikin hau langileek beharrezkoak diren gaitasunak lortzeko diseinatu da, esaterako, iturgintza, elektrizitate eta segurtasunean.

Elektrikari batek Trebatze Tekniko Saila dagoen eraikin berrian LED argiak instalatzen ditu.

Langile batek kanal elektrikoen arteko tartea aztertzen du. Eremu hau Brooklynetik mugitu ziren sukurtsaleko sailak egokitzeko berritu zen.

Iturgin batek etxeetara ur beroa eramango duten hodiak aurrefabrikatzen ditu.

Plataforma jasotzaile bat erabiliz, Kanpoko Diseinu Sailak leiho bat zigiluz ixten du. Energia aurrezten duten leiho hauek, 298 daude eraikin honetan bakarrik, energia kostua gutxitzen dute uda eta negu garaian.

1970eko pareta zenaren harriak erabiliz, igeltseroek pareta bat berreraikitzen dute aparkaleku nagusian. Aparkaleku hau Bulegoak dituen 1. eraikinaren eta E bizilekuaren artean dago kokatuta.

Langile batek pareta igeltsuz leuntzen du margotzeko prest izateko. Berritutako eraikin honetan Kontabilitatea, Informatika eta Erosketa sailak daude.

Elektrikari batek kableak zorurantz eramaten ditu teilatuko tximistorratzari konektatzeko. Kableek karga elektrikoa lurrerantz zuzentzen dute eta horrela eraikina kalteetatik babesten dute.

Wallkill zabaltzeko proiektuan zehar bertan zeuden landareak zaintzeko ardura handia izan zuten, hauen artean, argazki honetan ikusi daitezkeen zuhaitzetariko asko. Ezkerretara dagoen ur-dorrea, 150.000 l ur eraman ditzakeenak, Wallkill gunean ura zabaltzeko, suhiltzaileentzako eta suteak itzaltzeko sistemetan erabiltzen den tresna nagusia da.

Arotz batek 1.800 gereziondo egur zatietako batzuk ipintzen ari da entzunlekuaren atzeko pareta izango den tokian. Lodiera desberdinetako egur zati hauei esker, zarata gutxitzen da.

Charles Reedek 1958. urtetik Betelen lan egin du. Reed anaiak inprentan erabili ziren hormigoizko oholtzak diseinatzen eta instalatzen lagundu zuen. Brooklyneko Betelek Estatu Batuetarako eta beste herrialde askotarako argitalpenak egiten zituenean egin zuen lan hori. Wallkilleko zabaltze-proiektuan zehar Reedek kalitate kontrolaren taldearekin egin zuen lan.

Langile batzuk entzunlekuan izango diren eserleku berriak jaisten dituzte. Berritutako entzunlekuan 812 lagun sartu ahal izango dira.

Entzunlekua berritzean bideo monitoreak eta panel akustikoak instalatu zituzten.

Berritutako erizaindegiko lantokia instalatzen ari dira. Gaixoen beharrak asetzeko, pasabideak zabaldu eta geletako komunak handitu zituzten.

Wallkill gunearen ikuspegia airetik. Wallkillen Betel familiako 2.000 bat lagun bizi dira. Zabaltze eta eraikitzeko proiektuaren atal nagusia 2015eko azaroan amaitu zen. Lan honetan 102.000 metro karratu baino eraikin gehiago eraiki edo berritu zituzten.