YOMARA ya bendôm bèñ, Marcelo ya Hiver, be too a moan dzèè ya Guatemala. Yomara a nga sum yeghe Biblia ya Bengaa Jehôva, éde bendôm bèñ baa be nga sum fe yeghe. Ve, be mbe be bele ndzukh ézing. Belal be ne ndzim, be too fe kaa yem lang braille. Ya dzam té, n’yeghle Bible wôba éñe a lang mebong me ye abakh ba belane de, ya bifus bi ya Biblia ba yiène lang.

É mbe fe be ndzukh naa be tobe bisulane bi ye ékôan. Bebién béé mbe ki wulu tang bibukh 40 yakekuiñ é Nda ékôan da dang bebéñ. Ve, bobeñang beba be ye ékôan be nga kômane naa, ba ye bo béé ke ya bo bisulan bisese. Ye naa, éyong be nga sum be kee bisèñ ba yiène bo ékôan, bobeñang beba beté be nga vole be naa, be baghle ôsiman é mam ba yiène dzô.

É Ngoan tan ye mbu 2019, be nga sum naa, ba bo bisulan bi ye ékôan é dzèè deba. Tam té, n’nôm ba ngal be ne bempaghe mefan be nga zu tobe é dzèè deba. Béé nga yem ki lang nge a tsili braille, ve be mbe béé kômô yeghle mindzidzim mité naa, be bo de. Ane be nga ke a biblioteca ézing naa be yeghe braille ya yeghe meval be ne de yeghle bôt befe.

Ébe fave ayôm mengoan, bobeñang belal beté, a ke kué braille é ntoo be ébubu a lang. Dzam té é nga ve naa be tugha vem nfa ya nsisim a. Éndagha Yomara, Marcelo, ya Hiver ba sèñ ane bempaghe mefan. Marcelo ane amvene. Besono besese, ba sèñ ngu’u akal Jehôva. Nsaza wôba wa kôban.

Bobeñang belal beté ba ve akiba akal édzing ékôan é nga lere bo. Yomara a dzô naa : « Atéé ye éyong bi nga tare tubane Bengaa Jehôva, be nga lere bia ña édzing bekristen. » Marcelo ñe a dzô naa : « Bi bele bemba memvuiñ ékôan dèè, bi ne fe ngap ye é môra nda bôt ye si ése ngura é ne élat, édzing été. » Yomara ya bendôm bèñ ba fep a n’nem naa ba kômô yen é môs é si ñi da ye venghane paraíso nge ki paradis—Bya 37:10, 11 ; Esaïe 35:5.