Jehôva a yi naa ô tugha yem aval môr a ne. Amu dzé ? Amu a yem naa, nge ô tugha yem aval môr a ne, mezen mèñ, ye nkôman wèñ, da ye wô ve naa ô kômô bo angom dèñ. Ye wa bunu faa naa ô ne bo angom ya Nzame ? (A lang Bya 25:14.) Za dzam ô ne bo naa ô bo angom dèñ ? Bible a yalane minsili mité, a lere fe bia amu dzé Jehôva éñe a ne bo mbemba angom a lôr mengom mesese bi ne bele.

1. Za dzam Jehôva a bane wa naa ô bo ?

« Yireghe Nzame bebéñ, éyong té ñe a ye fe wô yir bebéñ. » (Jacques 4:8) Bifiè bité bia yili yè ? Bia yili naa Jehôva a bane wô naa ô bo angom dèñ. Bôr b’ézing be ne simane naa déé se ki ébubu naa bi bo angom ye Nzame, amu naa bii se ki ñe yén. É ne été naa a kalare wèñ été, Bible, Jehôva a ve bia é dzam ése é ne bia vole naa bi yem aval môr a ne, é ne bia vole naa bi yir ñe bebéñ. Éyong bia lang mefuèñ Nzame a lôm bia a Bible été, angom dèè ya Jehôva da vem amben biaa ye ki ñe yén môs ézing.

2. Amu dzé Jehôva a ne angom da lôr mengom mesese bi ne bele ?

Jehôva a dzing wa a lôr môr ase. A yi naa ô tobe mevakh été, ye fe naa ô yaghlan ñe éyong ése wa yi avole. Ô ne ñe « kee é mam mesese ma kele wa n’nem ôyô, amu naa a wokh wa ôlun. » (1 Pierre 5:7) Éyong ése, Jehôva a kômô vole, a ve ngu’u, ye bèè mengom mèñ.—A lang Bya 94:18, 19.

3. Naa bi bo mengom Jehôva za mam bia yiène bo ?

É ne été naa Jehôva a dzing môr asese, « ve a bo angom fave ya é bôr be ne sôsôe. » (Minkana 3:32) Jehôva a kômô naa mengom mèñ me ve mengu’u naa be bo é mam me ne sôsôe é mis mèñ, ye mare ki éma a yén abé. Bôr b’ézing ba simane naa béé se ki mane dzale metsin metsing Jehôva mese, ma daghe abé ye mbeng. Ve Jehôva a bele môra n’nem éngôngol. A yebe é môr ase a dzing ñe ya n’nem ôse, ye ve fe mengu’u mese mèñ naa a ve ñe n’nem mbeng.—Bya 147:11 ; Bisè mintôl 10:34, 35.

 A TUGHA FAS

4. Abraham a mbe angom Jehôva

Nlang Bible wa daghe Abraham (be nga luè fe ñe naa Abram) wa vole bia naa bi tugha yem é dzam a bo angom ya Jehôva da yili. A lang mam mefe ma daghe Abraham nten Atarga 12:1-4. Éyong té mia lèè minlang mia daghe minsili mia zu mi :

• Za dzam Jehôva a nga sili Abraham naa a bo ?

• Za dzam Jehôva a nga kiakh ñe ?

• Aval avé Abraham a nga dzale é mam Jehôva a nga dzô ñe ?

5. Za dzam Jehôva a yi naa mengom mèñ me bo ?

Bi wula yane naa mengom mèè me bo mam m’ézing akal dèè.

• Za mam wa yi naa mengom mwiè me bo akal dwiè ?

A lang 1 Jean 5:3, éyong té mia lèè minlang mia daghe nsili wa zu wi :

• Za dzam Jehôva a yane naa mengom mèñ me bo ?

Naa bi bo Jehôva mewokh, bia yiène dzeng naa bi tsen mam m’ézing éning dèè été, ane mbia abo dulu nge ki mefulu m’ézing me ne abé. A lang Esaïe 48:17, 18, éyong té mia lèè minlang mia daghe nsili wa zu wi :

• Amu dzé Jehôva a sili mengom mèñ naa me tsen mam m’ézing ?

 6. Aval avé Jehôva a vole mengom mèñ ?

 AKIGHE BES

Jehôva a kômô bo angom dwiè, ye naa a ye wô vole naa ô yir ñe bebéñ.

Ôbaghle

• Aval avé Jehôva a vole mengom mèñ ?

• Amu dzé Jehôva a sili mengom mèñ naa me tsen mam m’ézing bining bieba ?

• Ye wa tem naa é ne édedèè ndzukh naa ô bo angom Jehôva ? Amu dzé, nge ki, amu dzé kaa ?