• Nd 108:9—Ebɛnadze ntsi na ɔbɛyɛ dɛ wɔdze Moab toto Nyankopɔn ‘n’eguarsɛn’ ho? (it-2 420 ¶4)

  Wo mbuae

• Eyɛɛ dapɛn yi Bible akenkan no mu mpɛnsampɛnsamu no, ebɛn adze na ihunii a epɛ dɛ eka ho asɛm?

  Wo mbuae

Aber a Jehovah gyee Israelfo a nna wɔabɔ hu no fii Egypt nsordaafo a nna hɔn ho yɛ dzen no nsa mu wɔ Po Memen no mu no, hɔn enyi gyee. Dɛm ntsi wɔtoow ndwom yii Jehovah ayɛw. (Ex 15:​1-19) Mbarimba no dzii enyim ma wɔtoow dɛm ndwom fofor yi. (Ex 15:21) Jesus nye tsetse Christianfo no so toow ndwom dze yii Nyankopɔn ayɛw. (Mt 26:30; Col 3:16) Hɛn so, sɛ yɛkɔ asafo nhyiamu, ɔmansin nye ɔmantɔw ehyiadzi a, yɛtow ndwom dze yi Jehovah ayɛw dze kyerɛ dɛ hɛn enyi sɔ dza ɔyɛ ma hɛn no. Dɛ mfatoho no, sɛ yɛhwɛ ndwom a yɛtoow no seseiara yi a, n’asɛntsir nye “Yɛda Wo Ase Jehovah.” Ofi afe 1966 na yɛhyɛɛ ase toow dɛm ndwom yi.

Mbea ahorow bi wɔ hɔ a, bi a mbanyimfo bɛtse nka dɛ ɔyɛ enyiwu dɛ wɔbɔtow ndwom wɔ bagua mu. Nyimpa binom so wɔ hɔ a, wosusu dɛ hɔn ndze nnyɛ dɛw, ntsi ɔyɛ a wɔmmpɛ dɛ wɔtow ndwom. Naaso ɔsɛ dɛ yɛkaa dɛ, ndwom a yɛtow wɔ hɛn asafo nhyiamu ase no ka ɔsom a yɛdze ma Jehovah no ho. Jehovah n’ahyehyɛdze no bɔ mbɔdzen siesie ndwom ahorow a ɔka akoma, na asafo nhyiamu biara a yɛbɔkɔ no, woyi dza ɔfata ma yɛtow wɔ ase. Dza ɔsɛ dɛ yɛyɛ ara nye dɛ yɛnye hɛn nuanom bɔbɔ mu atow ndwom ama hɛn sor Egya no, dze akyerɛ dɛ yɛdɔ no na hɛn enyi sɔ ndzɛmba a ɔyɛ ma hɛn no.

Yi VIDEO a wɔato dzin Hɛn Ahyehyɛdze No Rokɔ N’enyim—Ndwom Yɛ Akyɛdze, Ɔfa 2. Afei bisa etsiefo no dɛ:

• Ebɛn asɛm tsitsir na osii wɔ afe 1944?

  Wo mbuae

• Ebɛnadze na hɛn nuanom a nna ɔwɔ Siberia no yɛe dze kyerɛɛ dɛ nna hɔn enyi gye ho dɛ wɔbɔtow Ahendzi ndwom?

  Wo mbuae

• Ebɛnadze ntsi na ndwontow ho hia Jehovah Adasefo dɛm?

  Wo mbuae