“Ɔsor Nyankopɔn bɛma ahendzi a wɔrennsɛɛ no da.”​—Daniel 2:44.

“Wɔama hɛn ɔbabanyin; na ahendzi no bɛda ne batsir do.”​—Isaiah 9:6, Nwoma Krɔnkrɔn, Fante Bible.

• Aban a odzi mu a ɔbɛma enya asetsena pa.​—Isaiah 48:17, 18.

• Ibenya apɔwmudzen a odzi mu nye enyigye wɔ wiadze fofor a ɔreba no mu.​—Nyikyerɛ 21:3, 4.

Nyew, nsɛm ebien a odzidzi do yi bɔboa hɛn:

• Jesus kyerɛɛ hɛn dza Nyankopɔn n’Ahendzi no bɛyɛ. Jesus kyerɛɛ n’ekyirdzifo no dɛ wɔmbɔ mpaa dɛ Nyankopɔn n’Ahendzi no mbra na wɔnyɛ ne pɛ wɔ asaase do tse dɛ ɔsor. (Matthew 6:9, 10) Jesus ma yehu kwan a Nyankopɔn bodua do ama dɛm mpaa no aayɛ hɔ.

  Aber a Jesus wɔ asaase do no, ɔmaa nyimpadodow bi a nna kɔm dze hɔn no edziban, ɔsaa ayarfo yarba na onyaan ewufo mpo! (Matthew 15:29-38; John 11:38-44) Dɛ Nyankopɔn n’Ahendzi no do hen no, Jesus ama yeehu ndzɛmba pa a Ahendzi no bɛyɛ ama ne mamfo.​—Nyikyerɛ 11:15.

• Wiadze yi mu nsɛm tsebea dzi dase dɛ Nyankopɔn n’Ahendzi no abɛn. Ansaana Nyankopɔn n’Ahendzi no dze asomdwee bɛba asaase yi do no, Jesus hyɛɛ nkɔm dɛ akõdzi, edziban kɔm nye asaase wosow besisi wɔ hɛn wiadze yi mu.​—Matthew 24:3, 7.

  Dɛm nsɛm tsebea yi rokɔ do ndɛ. Iyi ma yenya ahotodo dɛ ɔrennkyɛr koraa Nyankopɔn n’Ahendzi no bɛma wiadze nsɛm tsebea ahorow nyina abɔ adze.