Na moli kana e dua na mataqali vuata kamikamica. Ke sivia mada ga e 10 na mita na balavu ni vanua e lutu mai kina e vuna, e na sega vakadua ni dasila! E rawa vakacava?

 Dikeva Mada: Era raica rawa na dauvakadidike ni lewena vulavula ena loma ni moli, e vaka tu na meteresi qai veiyawaki na sela. Ni volekata yani na uto ni moli na sela era na veiyawaki sara, qai tu kina na cagi kei na wai. Na gauna e lutu kina, na wai qori ena taqomaki koya me vaka na meteresi. Ena lai kaukaua kina na moli ena sega kina ni kasere.

 Era bulia na saenitisi e dua na mataqali kaukamea e vaka tu na kuli ni moli kana, ena rawa ni veitaqomaki ke yaco e dua na vakacalaka. Ena rawa ni buli kina na nodra isala na dauvodo motopai, na itataqomaki ena lori, kei na nodra taqomaki tale ga na dau vuka e maliwalala vei ira na vatu era dau riba mai.

 Na cava o nanuma? E bula vakaidewadewa na moli kana se buli?