Vanua E kilai na vanua o Georgia ena kena veiulunivanua e solegi tu ena ucacevata, eso na ulunivanua qori e sivia toka na 4,500 na mita na kena cere. E wasei vakarua o Georgia, dua na yasayasa vakatokalau, dua tale na yasayasa vakara. E duidui na ivakarau ni draki, itovo, ivakatagi, meke, kei na kakana ena yasayasa ruarua qori.

Lewenivanua Era duikaikai na lewenivanua e Georgia, qai volekata toka na 3.7 na milioni na kedra iwiliwili.

Lotu E levu era lotu Orthodox, e rauta ni 10 na pasede era Musolomani.

Vosa E laurai ena itukutuku makawa ni a buli na matuavosa vakaGeorgia ni bera na gauna vaKarisito. Qori na vuna e duatani sara kina na kena vosa mai vei ira na veimatanitu era toka tikivi Georgia.

 iVurevure ni iLavo Levu na lewenivanua era dauteitei. E ivurevure levu tale ga ni ilavo na saravanua.

Draki E katakata toka na draki ena ra kei Georgia, qai dau vua vakalevu kina na moli. Ia e totoka sara na draki ena tokalau.

 Kakana E kedra kakana taleitaki na madrai e vavi ena ovani qele. Era dau kania vakalevu na sitiu vakaisaluaki. Sa dede tale ga nodra caka waini, e dau maroroi ena saqa qele lelevu na medra waini. Levu era tea ga na nodra loganivaini ra qai cakava ga na medra waini. Rauta ni 500 vakacaca na mataqali vaini e kune e Georgia.