Aisea 60:1-22
60 “Mo tucake o iko na yalewa,+ mo rarama mai, ni sa yaco mai na nomu rarama,E serauni iko na lagilagi i Jiova.+
2 Raica! ena ubi vuravura na butoKei na butobuto loaloa na veimatanitu,Ia ena serauni iko o Jiova,Ena laurai vei iko na nona lagilagi.
3 Era na lakova na veimatanitu na nomu rarama,+Kei ira na tui+ na totoka ni kemu serau.*+
4 Mo tacake mo veiraiyaki!
Era sa soqoni kece, era lako yani vei iko.
O ira na luvemu tagane era lako tiko ga mai vakayawa,+Kei na luvemu yalewa era keveti mai.+
5 O na raica ena gauna oya, o na marau,+Ena tavatukituki na utomu, ena reki vakalevu,Ni na kau yani vei iko na iyau ni wasawasa.
Ena rawa yani vei iko na iyau ni veimatanitu.+
6 Na qelenikameli levu ena robota na nomu vanua,*Na luvenikameli ni Mitiani kei Ifa.+
O ira kece mai Sipa era na lako mai,Na koula kei na drega boivinaka era na kauta mai.
Era na tukuna na lagilagi i Jiova.+
7 Na qelenisipi kece ni Kitari+ ena soqoni yani vei iko.
Na tamanisipi ni Nepeioci+ era na qaravi iko.
Era na lako cake ina noqu icabocabonisoro nira vakadonui,+Au na ukutaka na noqu vale lagilagi.*+
8 O cei qo era vuka mai me vaka na o,Me vaka na ruve ina nodra vale?*
9 Era na nuitaki au na veiyanuyanu,+Na waqa ni Tasisi era liu,Me kauti ira mai na luvemu mai na vanua yawa,+Kei na nodra siliva kei na koula,Ina yaca i Jiova na nomu Kalou kei na Yalosavasava ni Isireli,Ni na vakalagilagi iko o koya.+
10 O ira na kaitani era na tara na nomu bai,Kei na nodra tui era na qaravi iko.+
Niu mokuti iko ena noqu cudru,Ia ena noqu yalovinaka au na lomani iko.+
11 Na nomu matamata ena dola tiko ga,+Ena sega ni sogo ena siga se na bogi,Me kau yani kina vei iko na iyau ni veimatanitu,Era na liutaka na nodra tui.+
12 Na vanua kei na matanitu ena sega ni via qaravi iko ena rusa,Kei na veivanua ena vakalalai sara ga.+
13 Na isakisaki kei Lepanoni ena yaco yani vei iko,+Na vunijunipa, na vunidamanu, kei na paini,+Me ukutaki kina na noqu vanua tabu,Au na vakalagilagia na itutu ni yavaqu.+
14 Era na lako yani vei iko na luvedra na vakasaurarataki iko mera cuva e matamu,Mera tekiduru e yavamu o ira kece era beci iko,Era na vakatokai iko mo koro i Jiova,Na Saioni e nona na Yalosavasava ni Isireli.+
15 Ni o biu tu o cati qai sega ni dua e lako yani vei iko,+Au na vakavuna mo isakisaki me sega ni mudu,Mo vu ni marau ena itabatamata kece.+
16 O na gunuva na wainisucu ni veimatanitu,+O na sucuma na sucudra na tui,+O na qai kila ni o yau o Jiova, na nomu iVakabula,Na Kaukaua nei Jekope, e voli iko lesu.+
17 Au na kauta mai na koula me isosomi ni kopa,Au na kauta mai na siliva me isosomi ni kaukamea,Na kopa me isosomi ni kau,Na kaukamea me isosomi ni vatu,Au na lesia na vakacegu mera nomu iliuliu,Kei na ivalavala dodonu mera lesia na itavi.+
18 Ena sega ni rogo tale ena nomu vanua na ivalavala voravoraSe rarawa kei na rusa ena nomu iyalayala.+
O na vakayacana na nomu bai me o Bula+ kei na nomu matamata me o Vakacaucau.
19 Na matanisiga ena sega tale ni nomu rarama ena siga,Se nomu rarama na cila ni vula,Ni o Jiova ga ena nomu rarama me tawamudu,+Kei na nomu Kalou me nomu iukuuku.+
20 Ena sega ni dromu tale na nomu matanisiga,Se dromu na nomu vula,Ni o Jiova ga ena nomu rarama me tawamudu,+Ena oti na gauna ni nomu tagi.+
21 O ira kece na nomu tamata era na yalododonu,Era na taukena na vanua me tawamudu.
O ira ga qori na sulina au tea,Na cakacakaniligaqu,+ meu vakarokorokotaki kina.+
22 O koya e lailai sara ena yaco me le duanaudolu,Kei koya e lailai me matanitu qaqa.
O yau o Jiova, au na vakatotolotaka ena kena gauna.”
iVakamacala e ra
^ Se “na serau ni kemu icadracadra.”
^ Ipe., “roboti iko.”
^ Se “noqu vale totoka.”
^ Se “ina icurucuru ni vale ni manumanuvuka?”
