Apakuki 2:1-20
2 Au na tucake tiko ga ena noqu vanua ni yadra,+Au na duri tiko ga ena delanibai.
Au na yadra tiko meu raica na ka e vinakata meu tukunaKei na ka meu kaya niu vunauci.
2 E qai kaya vei au o Jiova:
“Mo vola na raivotu, mo ceuta vakamatata ena vavanivolavola,+Me rawarawa* ni wilika e cake o koya e wilika.+
3 E waraka na raivotu na gauna lokuci,E vakusakusa tiko ina kena icavacava,* ena sega ni lasu.
Ke berabera mada ga, mo waraka tiko ga!+
Ena yaco dina.
Ena sega ni bera!
4 Raici koya e dokadoka,E sega ni dodonu na lomana.
Ia na yalododonu ena bula ena nona yalodina.*+
5 Io e veivakaisini na waini,Ena sega ni rawata kina na nona isausau na tamata viavialevu.
E vakalevutaka nona viakana me vakataki iBulubulu,*E vakataki mate ni sega ni mamau rawa.
E kumuni ira tiko ga na matanitu keceE soqoni ira tiko ga na lewe ni veivanua kece+ me nona.
6 Era na cavuta kece vua na ivosavosa, na vosa vakaibalebale, kei na vatavatairalago mera beci koya kina?+
Era na kaya:
‘Ena rarawa o koya e vakalevutaka na ka e sega ni nonaMe vakacava na kena dede?
Kei koya e vakalevutaka na nona dinau!
7 Era na sega ni tucake vakasauri o ira o dinau tu kina?
Era na yadra mai mera kurei iko vakaukaua,Era na kauti iko mo nodra itokinivalu.+
8 Ni o kovea e levu na veimatanitu,Era na kovei iko na vo ni lewe ni veivanua,+Ni o vakadavea na nodra dra na tamataKei na ivalavala kaukaua o vakayacora e vuravura,Ena koro kei ira na tiko kina.+
9 Ena rarawa o koya e rawaka ena ilawaki me nodra na nona vuvale,Me vakarautaka na nona sova ena vanua cecere,Me taqomaki mai na ivesu ni ca!
10 O bukia na ka ena madua kina na nomu vuvale.
Ni o muduka e levu na lewe ni veivanua mo cala kina.+
11 Ena kaci na vatu mai lalaga,Ena sauma yani na kau mai na delanivale.
12 E rarawa o koya e tara na koro ena vakadavedra,E tauyavutaka na tauni ena ivalavala sega ni dodonu!
13 Raica! E vu mai vei Jiova ni lewe vuqa* mera cakacaka vakaukaua na lewe ni veivanua me kena na bukawaqa,Mera vakaocai ira na veimatanitu ena ka wale?+
14 Ni na roboti vuravura na kena kilai na lagilagi i JiovaMe vaka ga ni ubia na wasawasa na wai.+
15 E rarawa o koya e vagunuvi ira na nona itokani,E vakayacora ena yalokatakata kei na cudru mera mateni,Me raica na nodra luvaiwale!
16 O na mamau ena madua, sega ena lagilagi.
O iko tale ga, mo gunu, mo vakaraitaka nomu sega ni cili.*
Na bilo ena ligaimatau i Jiova ena vagolei yani vei iko,+Ena vakamaduataki kina na nomu lagilagi,
17 Ni na ubi iko na ivalavala kaukaua e vakayacori vei Lepanoni,Ena yacovi iko na veivakarusai era domobulataka na manumanu,Ni o vakadavea na nodra dra na tamataKei na ivalavala kaukaua o vakayacora e vuravura,Ena koro kei ira na tiko kina.+
18 Na cava na yaga ni ivakatakarakara ceutiNi ceuta na kena matai?
Na cava na yaga ni matakau kaukamea kei na qasenivuli lasulasu,E nuitaka na kena matai,E cakava na kalou sega na betena, e sega ni vosa rawa?+
19 E rarawa o koya e tukuna ina dua na tikinikau, “Mo yadra mai!”
Se ina vatu galu, “Mo yadra mai! Mo vakavulici keimami!”
Raica! E botani ena koula kei na siliva,+E sega sara ga vua na icegu.+
20 Ia o Jiova e tiko ena nona valenisoro tabu.+
Me vakanomodi e matana o vuravura kece!’”+
iVakamacala e ra
^ Se “taladrodro.”
^ Se “ina kena vakayacori.”
^ Se rawa ni, “vakabauta.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Qo na mataivalu vakalomalagi.
^ Se rawa ni, “mo taceba.”
