Isikeli 15:1-8
-
Jerusalemi na vaini ca (1-8)
15 E vosa tale vei au o Jiova, e kaya:
2 “O iko na luve ni tamata, e duidui vakacava na vunivaini mai na dua tale na vunikau se tabanikau ni veikau?
3 Ena yaga e dua na tikina me caka kina eso na ka? Se ra cakava kina na lewenivanua na peki me lili kina na iyaya?
4 Raica! Ena biu ina bukawaqa me buka, ena yameca na muana ruarua na bukawaqa, ena yameca na tolona. Vakacava, ena yaga ena dua na ka?
5 Ke taucoko mada ga, ena sega ni yaga ena dua na ka. Ena tawayaga sara ni yameca na buka!”
6 “Ia qo na ka e kaya na Turaga Cecere Duadua o Jiova: ‘Me vaka ga na vunivaini ni veikau au solia me buka ni bukawaqa, au na soli ira tale ga na lewe i Jerusalemi.+
7 Au matacataki ira. Era drovaka na bukawaqa, ia ena yameci ira na bukawaqa. Oni na qai kila ni o yau o Jiova, au matacataki ira.’”+
8 “‘Au na vakalala na vanua+ nira sega ni yalodina,’+ e kaya na Turaga Cecere Duadua o Jiova.”
