Isikeli 2:1-10
2 E tukuna sara vei au: “O iko na luve ni tamata,* mo tu e yavamu meu vosa vei iko.”+
2 E sobuti au na yalo tabu ena gauna ga e vosa kina vei au, e vakaduri au e yavaqu+ meu rogoci koya e vosa tiko vei au.
3 E kaya tale vei au: “O iko na luve ni tamata, au talai iko vei ira na lewe i Isireli,+ ina matanitu talaidredre, e talaidredre vei au.+ Era beca na noqu lawa me yacova mai na siga qo, o ira kei na tukadra.+
4 Au talai iko vei ira na luvedra dau be* era lomaqa,+ mo kaya vei ira, ‘Qo na ka e tukuna na Turaga Cecere Duadua o Jiova.’
5 Era rogoca se sega, era na kila ga ni maliwai ira tiko e dua na parofita,+ nira dua na vuvale talaidredre.+
6 “Ia o iko na luve ni tamata mo kua ni rerevaki ira,+ mo kua ni rerevaka na ka era tukuna, ni viribaiti iko na kau votovotoa kei na wavakavotona,*+ o bula vata kei ira na batibasaga. Mo kua ni rerevaka na nodra vosa,+ mo kua tale ga ni domobulataka na matadra+ nira dua na vuvale talaidredre.
7 Mo tukuna vei ira na noqu vosa se ra mani rogoca se sega, nira tamata talaidredre.+
8 “Ia o iko na luve ni tamata mo rogoca na ka au tukuna vei iko. Mo kua ni talaidredre me vaka na vuvale talaidredre qo. Mo dalaga mo kania na ka au solia vei iko.”+
9 Niu rai yani au raica sara e dua na liga ni dodo mai vei au,+ e taura tu e dua na ivolavivigi volai.+
10 Ni tevuka e mataqu, e volai ruarua tu na yasana, e liu e muri.+ E volai kina na sere ni lolosi, na tagi, kei na tagilagalaga.+
iVakamacala e ra
^ E basika vaka93 na matavosa na “luve ni tamata” ena Isikeli, qo na imatai ni vanua e basika kina.
^ Se “mata kaukaua.”
^ Se rawa ni, “era vakadrecike na tamata ra qai vaka na ka e votoki iko.”
