Jeremaia 30:1-24
-
Vosa ni yalayala nira na vakalesui kei na veivakabulai (1-24)
30 Na vosa e tukuna o Jiova vei Jeremaia, e kaya:
2 “Qo na ka e tukuna o Jiova na Kalou ni Isireli, ‘Mo vola ena dua na ivola na vosa kece au tukuna vei iko.
3 “Raica! Sa voleka mai na gauna,” e kaya o Jiova, “au na kumuni ira kina na noqu tamata era kau vakavesu, o ira na Isireli kei ira na Juta,”+ e kaya o Jiova, “au na vakalesui ira ina vanua au solia vei ira na tukadra, era na taukena tale.”’”+
4 Qo na vosa e tukuna o Jiova vei ira na Isireli kei ira na Juta.
5 Qo na ka e kaya o Jiova:
“Keimami rogoca na domo ni sautaninini,Na rere, ni sega na vakacegu.
6 Moni taroga mada se sa taratara e dua na tagane.
Na cava au raica kina nira biuta tu na tagane kece na ligadra e ketedra*Me vaka na yalewa e vakasucu?+
Na cava e vulaci kece kina na matadra?
7 Oilei! Ni siga rerevaki* oya.+
E sega ni tautauvata kei na dua,Na gauna ni rarawa nei Jekope.
Ia ena vakabulai mai kina o koya.”
8 “Ena siga oya,” e kaya o Jiova ni lewe vuqa,* “au na musuka na ivua mai domomu, au na drutia rua na kemu ivesu, era na sega tale ni vakabobulataki koya* na vulagi.
9 Era na qaravi Jiova na nodra Kalou kei Tevita na nodra tui, o koya au na vakatubura vei ira.”+
10 “Ia o iko Jekope na noqu tamata mo kua ni rere,” e kaya o Jiova,“Mo kua ni domobula, Isireli.+
Au na vakabulai iko mai na vanua yawaKei na nomu kawa mai na vanua era bobula tu kina.+
Ena lesu mai o Jekope, ena tikovinaka, ena vakacegu,Ena sega ni dua me vakarerei ira.”+
11 “Niu na tokoni iko,” e kaya o Jiova, “meu vakabulai iko.
Au na vakarusa na veivanua kece au vakasavi iko kina,+Ia o iko au na sega ni vakarusa.+
Au na vakadodonutaki iko vakarauta ga,Au na tauca na kemu itotogi, o na sega ni drovaka.”+
12 Ni qo na ka e kaya o Jiova:
“E sega ni wali rawa na nomu ramusu.+
E sega ni mavo na nomu mavoa.
13 Sa sega ni dua me tokoni iko,Sa sega na ibulu ni nomu bo.
Sa sega na wai mo bula kina.
14 O ira na lomani iko vakalevu era guilecavi iko.+
Era sega ni qarai iko mai.
Niu kuitataki iko ena kuita ni meca,+Ena vakatauitotogi ni tamata tawaloloma,Ena levu ni nomu cala kei na levu ni nomu ivalavala ca.+
15 Na cava o tagicaka kina na nomu ramusu?
E sega ni malumu rawa na nomu vutu!
Ena levu ni nomu cala kei na levu ni nomu ivalavala ca+Au cakava kina vei iko na ka qo.
16 O koya gona, o ira kece na vakarusai iko era na vakarusai,+O ira kece na kemu meca era na vakabobulataki tale ga.+
O ira na vakacacani iko era na vakacacani,O ira kece na kovei iko au na solia mera kovei.”+
17 “Ia au na vakabulai iko, au na vakamaca na nomu mavoa,”+ e kaya o Jiova,“Io era vakatokai iko mo cati:
‘O Saioni, ni sega ni dua e qara.’”+
18 Qo na ka e kaya o Jiova:
“Au na soqona na valelaca nei Jekope e tu vakabobula,+Au na lomana na nona itikotiko.
Ena tara tale na koro ena kena delana,+Na valececere vakabai ena tu ena kena vanua dina.
19 Ena rogo mai kina na vakavinavinaka kei na domo ni dredre.+
Au na vakalevutaki ira, era na sega ni lewe lailai,+Au na vakalevutaka na kedra iwiliwili,*Era na sega ni tamata wale.+
20 O ira na luvena era na vaka ga e liu,Na nona isoqosoqo ena vakataudeitaki e mataqu.+
Au na totogitaki ira kece na vakasaurarataki koya.+
21 Na nona turaga ena tubu mai vua,Kei na nona iliuliu ena basika mai vua.
Au na uqeti koya me lako voleka mai, ena torovi au.”
“Ia o cei mada e doudou* me torovi au mai?” e kaya o Jiova.
22 “Oni na noqu tamata,+ au na nomuni Kalou.”+
23 Raica! Na cagi kaukaua i Jiova ena vakacaca ena cudru waqawaqa,+Na covulaca ena liwava sobu na uludra na tamata ca.
24 Ena sega ni ruru na cudru i JiovaEna vakayacora mada se cakava na nanuma ni lomana.+
Ena veisiga mai muri oni na qai kila qo.+
iVakamacala e ra
^ Se “tolodra.”
^ Ipe., “duatani.”
^ Qo na mataivalu vakalomalagi.
^ Se “ira.”
^ Se rawa ni “rokovi ira.”
^ Ipe., “bubuluitaka e lomana.”
