Joeli 2:1-32
2 “Ni uvuca na davui* e Saioni!+
Ni kailavaka na ibolenivalu ena noqu ulunivanua tabu.
Mera sautaninini na lewenivanua* kece,Ni sa lako mai na siga i Jiova!+ Sa voleka mai!
2 E siga butobuto qai rugurugua,+E siga ni o kei na butobuto loaloa,+Me vaka na rarama ni mataka e cilava na veiulunivanua.
E dua na matanitu era lewe levu sara ra qai qaqa,+E sega ni dua e vakataki ira ena gauna sa oti,E sega tale ni dua e vaka kinaEna veiyabaki ni itabatamata kece.
3 E vakacaca e matadra na bukawaqa,E caudre toka e dakudra na yameyame ni buka.+
E vaka na were o Iteni na vanua e toka e matadra,+Ia e dakudra e vanua lala,E sega ni dua na ka me bula rawa.
4 Na kedra irairai e vaka na ose,Era cici me vaka na osenivalu.+
5 E vaka na rorogo ni qiqi nira veiladeyaki ena dela ni ulunivanua,+E vaka na rorogo ni yameyamenibuka ni yameca na vunicovuata.
E vakataki ira na tamata qaqa era tuva mera vala.+
6 Era yaluma na lewe ni veivanua ena vukudra.
Ena damudamu na matadra.
7 “Era cici me vakataki ira na tamataivalu,Era kabata na bai me vakataki ira na sotia,Era dui muria ga na nodra sala,Era sega ni gole tani mai na vanua era muria.
8 Era sega ni veidrigidrigi,Era dui muria na tamata na nodra sala.
Ke ra laugasau eso,Era sega ni gole tani na kena vo.
9 “Era vakusakusa ina koro, era ciciva na bai.
Era kabata na vale, era curu ena katubaleka me vaka na daubutako.
10 E sautaninini na vanua e matadra, e yavavala na veilomalagi.
E butobuto na matanisiga kei na vula,+E sega ni serau na kalokalo.
11 Ena tabalaka na domona o Jiova e matadra na nona mataivalu,+ nira sa rui lewe levu.+
Ni kaukaua o koya e vakayacora na nona vosa,Ni levu qai vakatubuqoroqoro sara na siga i Jiova.+
O cei me vosota rawa?”+
12 “Ia qo,” e kaya o Jiova, “ni lesu mai vei au ena lomamuni taucoko,+Ena lolo,+ ena tagi, kei na tagilagalaga.
13 Ni dresulaka na lomamuni,+ ni kua ni dresulaka na nomuni isulu,+Ni lesu vei Jiova na nomuni Kalou,Ni yalovinaka qai yalololoma, e berabera ni cudru+ qai dei vakalevu nona loloma,+Ena vakasamataka tale* o koya na leqa e nakita me vakayacora.
14 O cei e kila de na veisau o koya me vakasamataka tale+Qai biuta tu mai na veivakalougatataki,Na isoro kakana kei na isoro livi vei Jiova na nomuni Kalou?
15 Ni uvuca na davui e Saioni!
Ni kacivaka na lolo, ni tuvanaka e dua na soqo bibi.+
16 Soqoni ira vata na lewenivanua, vakasavasavataka na ivavakoso.+
Kumuni ira vata na qase, soqoni ira na gone kei ira na gonedramidrami.+
Me biuta na taganevou na nona rumu, kei na yalewavou na nona rumu ni vakamau.
17 Ena maliwa ni varada kei na icabocabonisoro+Mera tagi kina na bete, o ira na dauveiqaravi i Jiova, mera kaya:
‘Moni lomani ira na nomuni tamata, kemuni Jiova,Ni kua ni solia na nomuni ivotavota me beci,Mera lewa na veimatanitu.
Na cava mera kaya kina na lewe ni veivanua, “I vei na nodra Kalou?”’+
18 Ena vuvutaka o Jiova na nona vanuaEna nanumi ira na nona tamata.+
19 Ena vosa o Jiova vei ira na nona tamata:
‘Au na solia vei kemuni na covuata kei na waini vou kei na waiwai,Oni na mamau sara kina,+Au na sega ni vakatara mera beci kemuni tale na veimatanitu.+
20 Au na cemuri koya e lako mai na vualiku me yawaki kemuni,Au na vakasavi koya ina vanua mamaca, na vanua lala,Me qara ina wasa* ena tokalauQai vakanadaku ina wasa* ena ra.
Ena cawa cake na kena bona,Ena cawa cake tiko ga na kena boi ca,+Ni na vakayacora na Kalou na ka veivakurabuitaki.’
21 Mo kua ni rere o iko na vanua.
Mo reki mo marau vakalevu, ni na vakayacora o Jiova na ka veivakurabuitaki.
22 Ni kua ni rere na manumanu ni vanua,Ni na drokadroka na veico ni vanua talasiga,+Ena vuataka na vuana na kau,+Ena vua vakalevu na vunilolo kei na vaini.+
23 Kemuni na luvei Saioni, ni reki ni marautaki Jiova na nomuni Kalou,+Ni na solia vei kemuni na uca ni vulaibotabota ena kena ivakarau dodonu,Ena vakatauca vei kemuni na uca,Na uca ni vulaibotabota kei na uca ni vulaitubutubu me vaka ga e liu.+
24 Ena robota na rara ni butu covuata na covuata savasava,Ena vuabale na waini vou kei na waiwai ena kedrau ikeli.+
25 Au na solia tale vei kemuni ena vica vata na yabakiNa ka e kania na yavusa vodre, na vodre sega ni vakatabana, na vodre daukana kei vodre dauvakacaca,Na noqu mataivalu levu au a tala yani vei kemuni.+
26 Oni na kana moni mamau sara,+Oni na vakacaucautaka na yaca i Jiova na nomuni Kalou,+O koya e cakava na ka vakatubuqoroqoro vei kemuni,Era na sega tale ni vakamaduataki na noqu tamata.+
27 Oni na qai kila niu tiko vata kei ira na Isireli,+O yau ga o Jiova na nomuni Kalou,+ e sega ni dua tale!
Era na sega tale ni vakamaduataki na noqu tamata.
28 Oti oya au na sovaraka na yaloqu+ vei ira na tamata kece,Era na parofisai kina na luvemuni tagane kei na luvemuni yalewa,Era na tadra na nomuni qase,Era na raivotu na nomuni cauravou.+
29 Vei ira mada ga na noqu tagane dauveiqaravi kei ira na yalewa dauveiqaraviAu na sovaraka na yaloqu ena gauna oya.
30 Au na vakaraitaka eso na ka veivakurabuitaki mai lomalagi kei vuravura,Na dra, na bukawaqa, kei na duru kubou.+
31 Ena vuki na matanisiga me butobuto kei na vula me dra+Ena qai yaco mai na siga i Jiova, e levu, e vakatubuqoroqoro.+
32 Era na bula o ira kece era masuta na yaca i Jiova,+O ira na dro era na tiko e Ulu i Saioni kei Jerusalemi,+ me vaka e tukuna o Jiova,O ira na bula e kacivi ira o Jiova.”
iVakamacala e ra
^ Se “vuravura.”
^ Ipe., “ileu.”
^ Se “rarawataka.”
^ Oya na Waitui Mate.
^ Oya na Wasa na Mediterranean.
