Lako Yani 27:1-21
27 “Mo cakava na icabocabonisoro ena kau na akasia,+ me lima na kiupiti* na kena balavu, lima na kiupiti na kena raba. Me sukuea* qai tolu na kiupiti na kena cere.+
2 Mo cakava na ileu+ ena tutuna vava, na ileu me caka vata kei na icabocabonisoro, mo qai ubia na icabocabonisoro ena kopa.+
3 Mo cakava na vokete me dau kau laivi kina na dravusa,* na isivi, na boulu, na icula, kei na itawatawa ni qilaiso, mo qai cakava na kena iyaya kece ena kopa.+
4 Mo cakava e dua na lawalawa kopa ni icabocabonisoro, qai cakava e dela ni lawalawa e va na rigi kopa ena tutuna vava.
5 Mo biuta ena ruku ni bati ni icabocabonisoro, me qai toka vakalailai e ra na lawalawa ena loma ni icabocabonisoro.
6 Mo cakava na ivua ni icabocabonisoro ena kau na akasia, qai ubia ena kopa.
7 Me daramaki i loma ni rigi na ivua, me rawa ni tiko na ivua ena yasa ruarua ni icabocabonisoro ni sa kau.+
8 Mo cakava na icabocabonisoro me ibulibuli ni kisi vakalomana e caka ena kau. Me muri na kena icakacaka e vakaraitaka vei iko o koya ena ulunivanua.+
9 “Mo cakava na rara+ ni valeniveitavaki. Ena yasana ena ceva e qara ina ceva, na ilatilati ni rara me caka mai na lineni matailalai e muloci, me 100 na kiupiti na kena balavu ena dua na yasana.+
10 Ena 20 na kena duru qai 20 na veleti kopa e sivi vakalomana. Me siliva na iqaso ni duru kei na kena isema.
11 Na ilatilati ena yasana ina vualiku me 100 na kiupiti na kena balavu, kei na 20 na kena duru kei na 20 na veleti kopa e sivi vakalomana, na iqaso siliva kei na isema ni duru.
12 Na ilatilati me ciciva na raba ni rara e 50 na kiupiti, me tini na duru, tini tale ga na veleti e sivi vakalomana.
13 Na raba ni rara ena yasana ina tokalau, donuya na icabecabe ni siga, me 50 na kiupiti.
14 Me 15 na kiupiti na ilatilati ena dua na yasana, me tolu na duru qai tolu na veleti e sivi vakalomana.+
15 Ena yasana adua, me 15 na kiupiti na ilatilati, me tolu na duru qai tolu na veleti e sivi vakalomana.
16 “Na icurucuru ni rara me dua na kena ilati* e 20 na kiupiti na kena balavu, me caka ena wa karakarawa, na vutinisipi lokaloka, na isulu kulakula, kei na lineni matailalai e muloci era tali vata,+ me va na duru qai va na kena veleti e sivi vakalomana.+
17 Na duru kece era wavolita na rara me siliva na kedra ivakadei, me siliva tale ga na kedra iqaso, ia me kopa na kena veleti e sivi vakalomana.+
18 Me 100 na kiupiti na balavu ni rara,+ me 50 na kiupiti na kena raba, me 5 na kiupiti na kena cere, me caka mai na isulu lineni matailalai e muloci, me qai kopa na kena veleti e sivi vakalomana.
19 Na iyaya kei na ka kece e vakayagataki ena veiqaravi ena valeniveitavaki, na pini tale ga ni kena valelaca, kei na pini kece ena rara, me caka ena kopa.+
20 “Mo vakaroti ira na Isireli mera kauta mai vei iko na waiwai olive savasava e vutuki me ka ni cina, mera waqa tiko ga kina na cina.+
21 Ena valelaca ni veitavaki, ena taudaku ni ilatilati volekata na iVakadinadina,+ ena tuvanaka o Eroni kei ratou na luvena tagane me waqa tiko na cina mai na yakavi me yacova na mataka ena mata i Jiova.+ Qo na lawa tudei ena nodra itabatamata kece, mera muria na Isireli.+
iVakamacala e ra
^ Tautauvata na balavu ni yasana kece.
^ Se “dravusa urouro,” oya na dravusa e veiwaki kei na uro ni isoro.
^ Se “ilatilati.”
