Vola o Marika 16:1-8
-
Vakaturi o Jisu (1-8)
16 Ni oti na Siga ni Vakacecegu,+ eratou voli waiwai boivinaka o Meri Makitala, o Meri+ na tinai Jemesa, kei Salome me lumu kina na yago i Jisu.+
2 Eratou gole sara ina ibulubulu*+ ena matakalailai ni imatai ni siga ni macawa, ni se qai cabe na siga.
3 Eratou veikayaka: “O cei ena vaqiqica tani na vatu mai na icurucuru ni ibulubulu?”
4 Ia ni ratou rai yani, sa vaqiqici tani tu na vatu, dina ga ni vatu levu sara.+
5 Ni ratou curu i loma ni ibulubulu, eratou kidroa ni ratou raica e dua na cauravou ni dabe toka ena yasana imatau, e vakaisulu balavu vulavula.
6 E kaya vei ratou: “Dou kua ni kidroa.+ Dou vaqarai Jisu tiko na kai Nasareci, o koya a vakamatei ena kau. Sa vakaturi o koya,+ sa yali e ke. Dou raica, qo na vanua era vakadavori koya kina.+
7 Dou lako, dou lai tukuna vei ratou nona tisaipeli, kei Pita, ‘Sa liu o koya i Kalili.+ Dou na raici koya e kea, me vaka ga a tukuna vei kemudou.’”+
8 Ni ratou curu mai tuba, eratou dro mai na ibulubulu, eratou sautaninini ena levu ni nodratou kidroa. Eratou sega ni bau talanoataka vua e dua na ka e yaco ena levu ni nodratou rere.*+
iVakamacala e ra
^ Se “ibulubulu nanumi.”
