Same 92:1-15
Na Same. Na sere ni Siga ni Vakacecegu.
92 Sa vinaka na vakavinavinaka vei Jiova+Kei na sere ena vakacaucau* ina yacamuni, o kemuni sa Cecere Duadua,
2 Me vakarogoi na dei ni nomuni loloma+ ena matakaKei na nomuni yalodina ena veibogi,
3 Me salavata na iyaya ni vakatagi e wa tini kei na lute,*Ena rogo tamela ni api.+
4 Kemuni Jiova, oni vakavuna meu marau vakalevu ena vuku ni nomuni cakacaka,Au kaila ena marau ena vuku ni cakacaka ni ligamuni.
5 Sa rui cecere na nomuni cakacaka, kemuni Jiova!+
Sa rui titobu na nomuni nanuma!+
6 E sega ni dua na tamata lecaika e kila,E sega tale ga ni dua na tamata lialia e yalomatuataka qo:+
7 Nira kadre na daucaka ca me vaka na co caRa qai bulabula na dau cakacala,Sa rauta mera vakawabokotaki vakadua.+
8 Ia oni vakacerecerei me tawamudu, i Jiova.
9 Io, ni raica ena qaqa na kemuni meca, i Jiova,Raica na nodra vakarusai na kemuni meca,Na dau cakacala kece era na veiseyaki.+
10 Ia oni na vakacerecerea na noqu kaukaua* me vaka na bulumakau tagane kila,Au na lumuta na kuli ni yagoqu ena waiwai bulabula.+
11 Na mataqu ena raica ena qaqa na kequ meca,+Na daligaqu ena rogoca na bale ni tamata ca era valuti au.
12 Ia o ira na yalododonu era na bulabula me vaka na vuniniuniuQai tubu levu me vaka na sitari e Lepanoni.+
13 Era tei ena vale i Jiova,Era bulabula ena lomanibai ni noda Kalou.+
14 Era na bulabula tu ga nira sa qase,*+Era na kaukaua* qai drokadroka tu ga,+
15 Me tukuni tiko kina ni yalododonu o Jiova.
E noqu Uluvatu+ o koya, e sega vua na ivalavala tawadodonu.
iVakamacala e ra
^ Se “kei na vakatagi.”
^ Dua na iyaya ni vakatagi vakawa.
^ Ipe.,“ileu.”
^ Se “tu ga ena gauna ni ulusikoa.”
^ Ipe., “uro.”
