Vosa Vakaibalebale 11:1-31
11 Na ivakarau veidabui e sevaka o Jiova,Ia na ivakarau dodonu* e vakamarautaki koya.+
2 Ni tubu mai na viavialevu, ena tarava mai na madua,+Ia era vuku na yalomalumalumu.+
3 Na nodra yalodina na yalododonu ena tuberi ira,+Ia na nodra veivakacalai na dauveivakaisini ena vakarusai ira.+
4 Na iyau ena sega ni yaga ena siga ni cudru,+Ia na ivalavala dodonu ena veivakabulai mai na mate.+
5 Na nona cakadodonu o koya e sega ni cala e vakadodonutaka na nona sala,Ia ena bale na tamata ca ena nona caka ca.+
6 Na nodra cakadodonu na yalododonu ena vakabulai ira,+Ia ena rawai ira ga na dauveivakaisini na nodra gagadre.+
7 Ni mate na tamata ca, sa yali na nona inuinui,Na ka e nuitaki ena nona kaukaua e yali tale ga.+
8 E vakabulai mai na rarawa o koya e yalododonu,Na tamata ca e sosomitaki koya.+
9 Na gusuna na vukitani* e vakaleqa na wekana,Ia na ka era kila na yalododonu e vakabulai ira.+
10 Na nodra yalovinaka na yalododonu e marau kina na koro,Ia nira mate na tamata ca, e rogo na kaila ni marau.+
11 Na nodra vosa ni veivakalougatataki na yalododonu e vakacerecerei kina na koro,+Ia na gusudra na tamata ca e basuraka.+
12 O koya e yalowai e beca* na wekana,Ia na tamata e yalomatua dina e galu tiko ga.+
13 Na dauvakaucaca e veilakoyaki me vakacila na ka vuni,+Ia na tamata nuitaki* e sega ni tukuna na ka.*
14 Ni sega na veidusimaki vinaka* era bale na tamata,Ia e rawa na sasaga* ni levu na daunivakasala.+
15 Ena rarawa o koya e vakadonuya na nona dinau na vulagi,+Ia o koya e sega* ni lululu ena veidinadinati ena tudei.
16 Na yalewa yalovakamarama* e qoroi,+Ia o ira na tagane tawaloloma era taura na iyau.
17 Na tamata yalovinaka* e caka vinaka ga vua,+Ia o koya e yaloca e vakaleqai* koya ga.+
18 Na tamata ca e rawata na isau lasu,+Ia o koya e kaburaka na ivalavala dodonu e rawata na isau dina.+
19 O koya e dei ena ivalavala dodonu ena rawata na bula,+Ia o koya e cicimuria na ka ca ena mate kina.
20 O ira e veidabui na lomadra e sevaka o Jiova,+Ia o ira e dodonu na nodra ivalavala e taleitaka o koya.+
21 Mo kila qo:* Na tamata ca ena sega ni drovaka na itotogi,+Ia na luvedra na yalododonu era na dro bula.
22 E vaka na mama koula ena ucu ni vuakaNa yalewa matavinaka e cata na yalomatua.
23 Na ka era gadreva na yalododonu e tini ena ka vinaka,+Ia na ka era nuitaka na tamata ca e tini ena cudru.
24 E dua e yalosolisoli* qai tubu me levu,+E dua tale e burogotaka na ka me solia, ia ena dravudravua.+
25 Na tamata lomasavu ena rawaka,*+O koya e veivakacegui* ena vakacegui tale ga.+
26 O koya e bureitaka na covuata era na vosabeca na lewenivanua,Ia era na vosa vakalougatataki koya e volitaka.
27 O koya e guta me caka vinaka e vinakata me lomani,+Ia o koya e qara na ka ca—qori ga na ka ena yacovi koya.+
28 O koya e nuitaka na nona iyau ena bale,+Ia era na bulabula na yalododonu me vaka na draunikau.+
29 O koya e vakararawataka* na nona vuvale ena taukena na cagi,+O koya e yalowai ena qaravi koya e lomavuku.
30 Na ka e vuataka na yalododonu e kau ni bula,+O koya e vukea eso* mera saumaki mai e vuku.+
31 Ke saumi dina na yalododonu e tiko e vuravura,Sa qai wacava na tamata ca kei na tamata ivalavala ca!+
iVakamacala e ra
^ Se “na ivakarau vatu e taucoko.”
^ Se “sega ni vakabauta na Kalou.”
^ Se “cata.”
^ Ipe., “yalodina.”
^ Ipe., “vunia na ka.”
^ Se “ivakasala yaga.”
^ Se “bula.”
^ Ipe., “cata ni.”
^ Se “matakamica.”
^ Se “Na tamata e dei na nona loloma.”
^ Se “vakamaduataki.”
^ Ipe., “Liga ina liga.”
^ Ipe., “veibiuyaka.”
^ Ipe., “vakamamautaki.”
^ Ipe., “veivagunuvi vakalevu.”
^ Se “vakamaduataka.”
^ Ipe., “neʹphesh.” Raica na iVakamacala ni Vosa.
