Era na Vakalougatataki na Dauveivukei
Levu e veiyasa i vuravura era vinakata tu na kakana kei na vale. Eso tale era nuitaka me vinaka nodra veigauna se bera mai. Eda na vukei ira vakacava me rawa ni vakalougatataki keda na Kalou, qai vakadonui keda?
KA E KAYA NA IVOLATABU
“O koya e lomana na dravudravua e soli ka tiko vei Jiova, ena saumi vua na ka e cakava.”—VOSA VAKAIBALEBALE 19:17.
IBALEBALE NI NODA VUKEI IRA NA LEQA TU
E tukuna o Jisu e dua na vosa vakatautauvata me baleta e dua na tagane e buturaki vei ira na daubutako qai voleka ni mate. (Luke 10:29-37) E qai vukei koya e dua na turaga rau sega sara ga ni veikilai. E sega mada ga ni kauaitaka na turaga qori na duidui vanua rau cavutu mai kina.
Nona yalovinaka na turaga qori e vadretitaka nona mavoa, tokoni koya vakailavo, qai vakacegui koya ena nona rarawa.
Cava eda vulica kina? E kaya tiko o Jisu ni dodonu meda vukei ira na leqa tu, vakatau ena ka eda rawata. (Vosa Vakaibalebale 14:31) E kaya na iVolatabu ni sa voleka ni vakaotia na Kalou na dravudravua kei na rarawa. Eda na rairai taroga: Ena cakava vakacava? Ena gauna cava? Ena vakamacalataki ena ulutaga e tarava na veivakalougatataki sa vakarautaka tu vei iko na Dauveibuli dauloloma.
Rawa ni o Wilika Tale ga
YADRA!
E Kauaitaki Ira na Vakaloloma na Kalou?
Dikeva na sala e kauaitaki ira kina na vakaloloma na Kalou.
