Era vakabauta eso . . .

ni na vakarusai kina na vuravura kei na veika bula ena iyaragi vakaniukilia. Cava o nanuma?

Ka e kaya na iVolatabu

Na Amaketoni e yaca ni dua na vanua, qai vakatakarakarataka na “ivalu ni siga levu ni Kalou Kaukaua Duadua.” Era na vakarusai ena gauna qori na daucaka ca.​—Vakatakila 16:14, 16.

So tale na ka eda vulica ena iVolatabu

• Ena sega ni vakarusa na vuravura na Kalou ena Amaketoni, ena vakawabokotaki ira ga era vakarusa tiko na vuravura.—Vakatakila 11:18.

• Ena vakaoti kece na ivalu ena Amaketoni.​—Same 46:8, 9.

Cava o na kaya?

• Io

• Sega

• De dua

Ka e kaya na iVolatabu

“Dua na isoqosoqo levu” mai na veimatanitu era na bula sivia “na veivakararawataki levu.” Na veivakararawataki levu qori ena cava ena ivalu na Amaketoni.​—Vakatakila 7:9, 14.

So tale na ka eda vulica ena iVolatabu

• E sega ni vinakata na Kalou me rusa e dua ena Amaketoni. Ena solia tale ga na gauna vei ira na daucaka ca, ena qai vakarusai ira ga ke ra sega ni veisau.—Isikeli 18:32.

• E vakamacalataki ena iVolatabu na ka meda cakava meda bula kina ena Amaketoni.—Sefanaia 2:3.