Tá ið fólk skulu velja, hvønn leiðara tey vilja hava, er tað ein týðandi avgerð.

 Sigur Bíblian nakað um, hvør er ein góður leiðari?

 Bíblian vísir á eina avmarking, sum øll menniskju hava, eisini politikarar.

•   „Setið ikki lít tykkara til høvdingar, til menniskjabarn, sum ikki er ment at hjálpa! Andi hansara fer út, og hann verður mold aftur; sama dag er úti við hugsanum hansara.“ – Sálmur 146:3, 4.

 Sjálvt teir bestu leiðararnir doyggja fyrr ella seinni. Haraftrat kunnu teir ikki lova, at teirra eftirmenn fara at halda fram at stýra upp á ein góðan máta. – Prædikarin 2:18, 19.

 Faktiskt sigur Bíblian, at tað ongantíð var meiningin, at menniskjuni skuldu ráða yvir hvørjum øðrum.

•   „Ferðamaðurin er ikki mentur at stýra gongd síni!“ – Jeremias 10:23.

 So spurningurin er, um tað yvirhøvur ber til at finna nakran góðan leiðara í dag.

 Bíblian greiðir frá, at Gud hevur sett ein leiðara, sum er sera dugnaligur og álítandi: Jesus Kristus. (Sálmur 2:6) Jesus er kongur í Guds ríki, sum er ein stjórn, ið ræður úr himli. – Matteus 6:10.

 Fert tú at velja Jesus sum leiðara? Bíblian vísir, hví hesin spurningurin er týðandi:

•   „Kyssið sonin [Jesus Kristus], fyri at Hann [Gud] skal ikki verða vreiður, og tit ganga til grundar á vegnum! Skjótt tendrast vreiði Hansara! Sæl eru øll tey, ið líta á Hann!“ – Sálmur 2:12.

 Tað er nú, tú skalt taka eina avgerð. Profetiir í Bíbliuni vísa, at Jesus byrjaði at ráða í 1914, og at Guds ríki skjótt fer at koma í staðin fyri allar stjórnir her á jørðini. – Dániel 2:44.

 Viss tú vilt vita meira um, hvussu tú kanst stuðla Jesusi sum leiðara, kanst tú lesa greinina „Støt Guds rige nu!“