NǓKANBYƆ́ 11
Ényí gbɛtɔ́ kú ɔ, étɛ́ ka nɔ jɛ ɖo kú tɔn gúdo?
“Funfún ná jó yě dó gbe ɖokpó, bɔ yě ná lɛ́ kɔ yi kɔ́ glɔ́, bɔ gbe nɛ́ ɔ gbe ɔ, linnáwa yětɔn lɛ́ ná fó ɖó fínɛ́.”
Ðɛhan 146:4
“Mɛ e ɖo gbɛ lɛ́ ma tuun ɖɔ émí ná kú vɔ́vɔ́ a? Loɔ, mɛ e ko kú lɛ́ sɔ́ tuun nǔɖé ǎ . . . Alɔ towe jɛ nǔ ɖěbǔ wú hǔn, zě hlɔ̌nhlɔ́n towe bǐ dó bló, ɖó [Yɔdo mɛ] fí e a xwe ɔ, nǔɖé ɖo dɔ̌n bɔ è nɔ wa ǎ; tamɛ linlin ɖě ɖo dɔ̌n ǎ, nǔ tuuntuun ɖě ɖo dɔ̌n ǎ, nǔnywɛ́ ɖě ɖo dɔ̌n ǎ.”
Nǔnywɛ́tɔ́xó 9:5, 10
“[Jezu] ɖɔ gɔ́ ná ɖɔ: ‘Xɔ́ntɔn mǐtɔn Lazáa ɖo amlɔ dɔ́ wɛ, bɔ un xwe dɔ̌n bo ná yi fɔ́n ɛ.’ Amɔ̌, é kú ɖɔ wɛ Jezu ɖe. Yědɛɛ lɛ́ ka vɛdó ɖɔ é d’amlɔ bo ɖo gbigbɔjɛ wɛ ɖɔ wɛ é ɖe sín. Énɛ́ wú ɔ, Jezu ɖɔ nyi wɛn nú yě ɖɔ: ‘Lazáa kú.’”
