NǓKANBYƆ́ 5
Wɛn tɛ́ ka ɖo Biblu mɛ?
“Un ná sɔ́ kɛn dó hwi kpó nyɔ̌nu ɔ kpó tɛ́ntin, dó kúnkan towe kpó kúnkan tɔn kpó tɛ́ntin. É ná só ta towe, bɔ hwɛ ná hɛn aɖǔ i dó afɔgbɛnnu.”
Bǐbɛ́mɛ 3:15, nwt
“Ðó a se tónú nú mì wútu ɔ, un ná wa ɖagbe nú akɔta e ɖo ayǐkúngban jí lɛ́ gbɔn vǐ towe lɛ́ jí.”
Bǐbɛ́mɛ 22:18
“Axɔ́súɖuto towe ní wá. Jlǒ towe ní nyí wiwa ɖo ayǐkúngban ɔ lɔmɔ̌ jí, lěe é nɔ nyí wiwa ɖo jǐxwé gbɔn é ɖɔhun.”
“Ðó Mawu e nɔ ná fífá mɛ é ná nyínyɛ́ Satáan dó afɔ mitɔn lɛ́ glɔ́ zaanɖé.”
“Hwenu e è ná ko sɔ́ nǔ lɛ́ bǐ ɖó glɔ̌ tɔn é ɔ, Vǐ ɔ ɖésúnɔ ná hwíhwɛ́ éɖée dó Mɛ e sɔ́ nǔ lɛ́ bǐ ɖó glɔ̌ tɔn é glɔ́; mɔ̌ mɛ ɔ, Mawu ná nyí nǔ bǐ nú mɛ bǐ.”
“Din ɔ, Ablaxámu kpó kúnkan tɔn [é wɛ nyí Klísu] kpó wɛ è dó akpá lɛ́ ná. Gɔ́ ná ɔ, ényí mi ɖo bǔ xá Klísu hǔn, kúnkan Ablaxámu tɔn wɛ mi nyí nǔgbó.”
“Axɔ́súɖuto gbɛ ɔ tɔn húzú Axɔ́súɖuto Aklúnɔ mǐtɔn kpó Klísu tɔn kpó tɔn, bɔ é ná ɖu axɔ́sú káká sɔ́yi mavɔmavɔ.”
“Énɛ́ ɔ, è sɔ́ dlagɔ́ɔn ɖaxó ɔ, dan xóxó e è nɔ ylɔ́ ɖɔ Awǒvi bo nɔ lɛ́ ylɔ́ ɖɔ Satáan é nyi dó do, é wɛ ɖo ayǐkúngban ɔ bǐ flú wɛ; è sɔ́ ɛ nyi dó ayǐkúngban jí, é kpó wɛnsagun tɔn lɛ́ kpó.”
“É wlí dlagɔ́ɔn ɔ, dan xóxó e nyí Awǒvi, bo lɛ́ nyí Satáan é, bo blá ɛ nú xwe 1 000.”
