Kpɔ́ndéwú Biblu tɔn e sixú d’alɔ we lɛ́ é:

• Nǔt 12:1-8: Axɔ́sú Salomɔ́ɔ zán xó lómílómí dó ɖɔ azɔn e kpikpo nɔ dɔn wá é ɖé lɛ́ xó, ɖi nǔ e è ma sɔ́ nɔ mɔ ganjí ǎ é (“zǐnflú nɔ dó dó mɛ e ɖo nǔ kpɔ́n wɛ gbɔn flɛtɛ́li nu lɛ́”) kpó nǔ e è ma sɔ́ nɔ se ganjí ǎ é kpó (“han bǐ ná yi xɔ”)

Kpɔ́ndéwú Biblu tɔn e sixú d’alɔ we lɛ́ é:

• 1Sa 12:2, 23: Gbeyíɖɔ Samuwɛ́li e nyí mɛxómɔ é tuun lě do é ɖo tají sɔ ɖɔ é ní kpo ɖo ɖɛ xo dó togun Jexóva tɔn sín tamɛ wɛ é

• 2Sa 19:32-40: Gǔdo e mɛxómɔ Baaziláyi nɔ nú axɔ́sú Davídi kpó gbejíninɔ kpó é su nukún tɔn mɛ; Baaziláyi tuun dogbó tɔn lɛ́ hwenu e è byɔ́ nǔ e hú agbɔ̌n ɛ é ɖo así tɔn é

• Ðɛ 71:9, 18: Hwenu e axɔ́sú Davídi ko kpo é ɔ, xɛsi ɖi i ɖɔ émí kún sɔ́ ná nyɔ́ zán nú Jexóva ó, énɛ́ wú ɔ, é sa vo nú Jexóva ɖɔ é ní ma xo émí nyi kɛ́n ó, loɔ, é ní ná émí hlɔ̌nhlɔ́n bónú émí ná dó sixú kplɔ́n nǔ jijimɛ e ja é dó wǔ tɔn

• Lk 2:36-38: È kɔn nyɔ̌ná dó gbeyíɖɔ nyɔ̌nu Ana e nyí asúkúsi mɛxómɔ ɖé é jí, ɖó sɔ́ e é sɔ́ éɖée jó nú Mawu é kpó sinsɛnzɔ́ e é wa kpó gbejíninɔ kpó é kpó wú

Kpɔ́ndéwú Biblu tɔn e sixú d’alɔ we lɛ́ é:

• Bǐ 12:1-4: Hwenu e Ablaxámu ɖó xwe 75 é ɔ, Jexóva sɔ́ azɔ̌ e byɔ́ hǔzúhúzú ɖo gbɛzán tɔn mɛ é ɖé d’así n’i

• Da 10:11, 19; 12:13: Wɛnsagun ɖé yi ba Daniyɛ́li kpɔ́n hwenu e é ɖo xwe 90 ɖó wɛ é, bo ná dó ná ɛ gǎnjɛwú ɖɔ é xɔ akwɛ́ nú Jexóva, bɔ è ná lɛ́ dó ajɔ ɛ ɖó gbejíninɔ tɔn wú

• Lk 1:5-13: Jexóva kɔn nyɔ̌ná dó Zakalíi kpó Elizabɛ́ti kpó e nyí mɛxómɔ é jí, bɔ yě ji Jaan gbɔn nǔjíwǔ gblamɛ

• Lk 2:25-35: Jexóva jɔ wǔ Sinmɛnyɔ́ɔ e nyí mɛxómɔ ɖé é, bɔ é mɔ vǐ yɛ̌yɛ́ e ná wá húzú Mɛsíya ɔ é, énɛ́ gúdo ɔ, Sinmɛnyɔ́ɔ ɖɔ nǔ e ná wá jɛ dó wǔ tɔn é ɖé

• Mɛ 7:23, 30-36: Xwe 80 ɖó wɛ Mɔyízi ɖe bɔ Jexóva sɔ́ azɔ̌ d’así n’i bɔ é ná nɔ nukɔn nú togun tɔn Izlayɛ́li

Kpɔ́ndéwú Biblu tɔn e sixú d’alɔ we lɛ́ é:

• Bǐ 45:9-11; 47:12: Jozɛ́fu kplá tɔ́ tɔn Jakɔ́bu e nyí mɛxómɔ ɖé é dó akpá, bo kpé nukún dó wǔ tɔn káká jɛ hwenu e é kú é

• Hwl 1:14-17; 2:2, 17, 18, 23: Hwliti d’alɔ nyɔ̌nu mɛxómɔ e nɔ nyí Nɔemíi é ɖo xó kpó nǔwiwa kpó mɛ

• Jn 19:26, 27: Hwenu e Jezu ɖo yatín jí bɔ é kpo kpɛɖé bɔ é ná kú é ɔ, é ɖɔ nú mɛsɛ́dó tɔn Jaan e é yí wǎn ná é ɖɔ é ní kpé nukún dó nɔ émítɔn wú