Ardotooɓe moftal ngal yoɓetaake. Wano ardotooɓe ɓen ka teeminannde aranere, ardotooɓe ɓen no aynude ‘ moftal Allah ngal ’. (Kuuɗe sahaabaaɓe ɓen 20:28.) Ɓee ardotooɓe no wondi e faamu. Hiɓe aynude moftal Allah ngal kono, “ hara hinaa e hoore karheede, ” maa waɗira “ ɗun miile, kono hara ko e anniyee moƴƴo ”. (1 Petruusu 5:1-3.) Ko honɗun ɓe waɗanta men ?

Hiɓe dankkii men e hiɓe danndi men. Ardotooɓe ɓen dannday men, ɓe ɗowa moftal ngal, ɓe walla men no men ɓadora Yahuwah. Hiɓe anndi ko Allah halfiniɓe moftal ngal, hinaa laamagol jamaa makko on, kono ko wallitagol men fii weltaare amen nden (2 Korenti 1:24). Wano ngaynaako aynirta wuro mun ngon, ko wano non kadi ardotooɓe ɓen kippata mo kala ka moftal. — Tindi 27:23, TMN.

Ɓe jannay men no men waɗira faale Allah on. Yontere kala, ardotooɓe ɓen wallay men ka moftal fii no gomɗinal amen ngal ɲiiɓira (Kuuɗe sahaabaaɓe ɓen 15:32). Ɓee ardotooɓe no hikkii yeeso fii ka waajagol, ɓe holla men honno men waajortoo e honno men hebilantoo fii waajagol e baŋŋe ɗen fow.

Ɓe wallay men no men ɓeydira wakkilaare. Ardrotooɓe moftal ngal yewtiday e amen ka Fottirde e wonnde ɓe yahay ka suudu amen, ɓe walla men no men ɓeydira wakkilaare. — Yaaquuba 5:14, 15.

Wonaa ɗun tun woni golle maɓɓe ɗen. Ɓuruɓe e maɓɓe gollay fii no ɓe ɲamminira ɓeynguure maɓɓe nden. Hiɗen haani ɓe tiddinde. — 1 Tesalonii 5:12, 13.

• Honɗun woni golle ardotooɓe ɓen ?

• Ko honno ɓe wallirta men ?