Ka teeminannde aranere, “ sahaabaaɓe ɓen e ardotooɓe moftal ngal ” waɗuno mojobere’hun hikkiiɓe ka fewjoore e nder saare Yerusalaam fii ƴettugol pehe ko wallata moftal Almasiiyaaɓe toɗɗoraaɓe ruuhu Allah on (Kuuɗe sahaabaaɓe ɓen 15:2). Ɓe fottayno e huunde wootere ko iwri ka daaluyee Allah si ɓe fewja, ɓayri hari ruuhu Allah on no ɗowiɓe (Kuuɗe sahaabaaɓe ɓen 15:25). Ko wano non hannde, ɓee Hikiiɓe ka fewjoore woni e waɗude

Allah no huutorde ɓe fii waɗugol faale makko on. Almasiiyaaɓe toɗɗoraaɓe ruuhu Allah on, wonuɓe e ndee mojobere Hikiiɓe ka fewjoore no yiɗi daaluyee Allah on. Hiɓe meeɗi fii ganndal laawol Allah ngol. Yontere kala ɓe mooɓondiray fii anndugol honno ɓe wallirta musiɓɓe maɓɓe gomɗinɓe ɓen e nder aduna on fow. Wano ka teeminannde aranere, hiɓe jannude men, ɓe winnda ɓataaki maa ɓe nula jindoowo aynoowo mofte ɗen. Ɗun ɗoo fow no woni sabu fii yo men fottu e miijo gooto, e huunde wootere (Kuuɗe sahaabaaɓe ɓen 16:4, 5). Ɓee Hikiiɓe ka fewjoore no kippi fii ganndal amen ngal, ɓe walla men no men waajora kibaaru moƴƴo on. Hiɓe suɓii woɓɓe fii ardagol moftal ngal.

Hiɓe acci ruuhu Allah on ɗowa ɓe. Ɓee Hikiiɓe ka fewjoore no hoolori Joomiraaɗo on, Yahuwah e annabi Iisaa hooreejo moftal ngal fii yo ɓe ɗowe (1 Korenti 11:3 ; Efeesi 5:23). Ɓee Hikiiɓe ka fewjoore hinaa laamiiɓe jamaa Allah on. Kamɓe e Almasiiyaaɓe toɗɗoraaɓe ruuhu Allah on, “ ɓe jokki baalun kun kala ka kun yaari ”. (Feɲɲinannde 14:4.) Hikiiɓe ka fewjoore ɓen no weltanii men ko men torotoo Allah kon fii maɓɓe.

• Ko homɓe wonunoo hikkiiɓe ka fewjoore ɓen ka teeminannde aranere ?

• Ko honno ɓee Hikiiɓe ka fewjoore hannde accirta Allah ɗowaɓe ?