Laamu Alla ngun no laamaade hannde. Neeɓataa ngu wayla piiji buy ka hoore leydi. Ndaaren goɗɗi e piiji ɗi faaleteɗon ka laamu Alla.

1. Ko honno laamu Alla ngun wattiroyta ɓuttu e peewal ka hoore leydi ?

Annabi Iisaa, lanɗo laamu Alla ngun, muloyay ɓonɓe ɓen e laamuuji ɗin ka gere Har-Magadaana (Feɲɲinannde 16:14, 16). On saa’i ndee fodoore Deftere Alla nden laatoyto ko timmi. « Si neeɓii seeɗa nii haray bonɗo alaa. Ka o wonnoo, a yi’ataa » (Zabuura 37:10, VPFJ). Annabi Iisaa huutoray Laamu ngun fii no leydi ndin heewira peewal e ɓuttu (janngee Isaaya 11:4).

2. Ko honno ngurndan wa’iroyta ka hoore leydi si faale Alla on waɗii?

« Feewuɓe ɓen ronoyay leydi ndin, ɓe hoɗa e mayri haa poomaa » ka Laamu Alla (Zabuura 37:29, VPFJ). Miijitee wuurugol e nder aduna ka fow woni feewuɓe e fow no yiɗi Yahuwah Alla e no yiɗindiri ! Hay gooto nawnoytaa e fow wuuroyay haa poomaa.

3. Ko honɗun laamu Alla ngun waɗoyta si ɓonɓe ɓen muloyaama ?

Si ɓonɓe ɓen muloyaama, annabi Iisaa laamoyto fii duuɓi 1 000. E on saa’i ɗon, kanko e ɓe o laamodoytooɓe ɓen, ɗun ko yimɓe 144 000, walloyay yimɓe ɓen ka hoore leydi wonugol timmuɓe hara ɓe aldaa e junuubu. Ka lannoode on saa’i ɗon, leydi ndin wonoyay aljanna fotuɗo, heewuɗo yimɓe weltiiɓe ɓay hiɓe ɗoftii sariyaaji Yahuwah Alla ɗin. Annabi Iisaa jonnitoyay Yahuwah Alla, Ben makko, Laamu ngun. E innde Yahuwah nden ‘hormorte’ wa sifa mun waɗaali gila aduna dawi haa hannde (Matta 6:​9, 10). Ɗun holloyay Yahuwah Alla ko lanɗo moƴƴo dankiiɗo jamaa makko on. Ontuma Yahuwah Alla muloyay Seytaane, jinnaaji ɗin e kala suɓiiɗo murtangol ardannde makko nden (Feɲɲinannde 20:​7-​10). Piiji moƴƴi ɗi laamu Alla ngun waɗoyta luttoyay haa poomaa.

 LUGGINEE

4. Laamu Alla ngun ittoyay laamu tagaaɗo

« Tagaaɗo no laamaade tagaaɗo fii bone makko » (Waajotooɗo on 8:9). Rewrude Laamu makko ngun, Yahuwah Alla ittoyay kala ko woni sabu anngal peewal.

Janngee Danu’iila 2:​44 e 2 Thessalonii 1:6-8 e yewton fii ɗee lanndaale :

• Ko honɗun Yahuwah Alla e annabi Iisaa waɗoyta laamu tagaaɗo e kala tammbitiiɗo laamu tagaaɗo ?

• E nder ko jannguɗon kon fii Yahuwah Alla e annabi Iisaa, fii honɗun hiɗon felliti ko ɓe waɗoyta kon ko ko moƴƴi ?

5. Annabi Iisaa ko lanɗo timmuɗo

Annabi Iisaa waɗanoyay ɓe o laamoytoo ɓen ka hoore leydi piiji moƴƴi buy. Fijinee VIDIO on fii anndugol no annabi Iisaa holliri faale e bawgal ngal Alla okki mo ngal fii wallugol yimɓe.

Fewndo ko annabi Iisaa wonunoo ka hoore leydi, o holluno ko laamu Alla ngun waɗoyta. Ko baraaji honɗi lintaaɗi ɗoo ɗin faaleteɗon yi’ude tigi tigi ? Janngee aayeeje yaaduɗe e ɗii baraaji.

6. Laamu Alla ngun addoyay janngo fotuɗo

 RAWNOODE

Laamu Alla ngun timminoyay faale Alla on. Ngu wattoyay leydi ndin fow aljanna ka rewooɓe Yahuwah Alla ɓen wuuroyta haa poomaa.

Ndartannde

• Ko honno laamu Alla ngun waɗiroyta fii no innde Yahuwah nden hormoree ?

• Fii honɗun hoolantoɗen laamu Alla ngun laatinoyay fodooje Deftere Alla nden ?

• Ko piiji honɗi ɗi Laamu ngun waɗoyta faaleteɗon yi’ude tigi tigi ?