Biblia Lɛ Mli Saji Otii
Biblia lɛ ji wolo ko ni ajara ahã mɛi fe woji krokomɛi fɛɛ yɛ yinɔsane mli, ni mɛi babaoo nyaa he waa. Shi ekolɛ, obaabi akɛ ‘Mɛni he kwraa wolo ni ehé gbɛ́i waa nɛɛ wieɔ?’
Wolo ni ji The Bible—What Is Its Message? lɛ baahã ole Biblia mli saji otii lɛ, kɛ sane titri ni Biblia muu lɛ fɛɛ wieɔ he. Wolo nɛɛ baahã ole saji ni Biblia lɛ wieɔ he yɛ Mose Klɛŋklɛŋ wolo lɛ mli, kɛjɛ be ni abɔ ade, aahu kɛyashi wɔsɛɛ be hiɛnɔkamɔ ni nɔ bɛ ni awie he yɛ Kpojiemɔ wolo lɛ mli lɛ. Be liamɔ ko yɛ wolo nɛɛ mli ni tsɔɔ be ni saji komɛi ni he hiaa waa tee nɔ. Mfonirii fɛfɛji kɛ sanebimɔi ni hãa ajwɛŋɔ waa ni abaanyɛ akɛsusu nii ahe hu yɛ wolo nɛɛ mli.
Kanemɔ wolo ni ji The Bible—What Is Its Message? lɛ yɛ wɛbsaiti nɛɛ nɔ yɛ Blɔfo mli, ebɛ Ga mli amrɔ nɛɛ.
Ekolɛ Obaasumɔ Enɛ Hu
NIBII KƐHÃ BIBLIA KASEMƆ
Biblia Ŋmalɛ Kɛhã Gbi Lɛ
Ŋmalɛi Lɛ Amli Ni Wɔɔkwɛ Daa wolo lɛ, etamɔ nɔ ni mɛi komɛi tsɛɔ lɛ daily devotional lɛ nɔŋŋ. Ehãa bo Biblia ŋmalɛ ko kɛhã gbi fɛɛ gbi kɛ sane fioo ko ni wieɔ nakai ŋmalɛ lɛ he.
NIBII KƐHÃ BIBLIA KASEMƆ
Biblia Ɛnsaiklopidia
Saji babaoo ni agbala mli fitsofitso yɛ wolo ni ji Insight on the Scriptures lɛ mli. Saji nɛɛ kɔɔ gbɔmɛi, hei, tsei, kwɛ̃ɛ nii, kooloi, nibii komɛi ni he hiaa waa ni tee nɔ, kɛ mfonirifeemɔŋ wiemɔi ni yɔɔ Biblia lɛ mli lɛ ahe. Akɛ map srɔtoi, mfonirii, kɛ akrabatsai srɔtoi ewo ehe PDF ni obaanyɛ odaunlodi lɛ mli. Ŋmalɛi kɛ saji ataomɔhe hu fata he.
NIBII KƐHÃ BIBLIA KASEMƆ
Biblia Mli Saji Ahe Map
‘Kwɛmɔ Shikpɔŋ Kpakpa’ wolo lɛ, ji wolo ko ni map srɔtoi kɛ akrabatsai ni kɔɔ hei srɔtoi ni atsĩ tã yɛ Biblia lɛ mli lɛ ahe lɛ yɔɔ mli; titri lɛ shiwoo shikpɔŋ lɛ, yɛ bei srɔtoi amli.