Biblia lɛ hãa anaa akɛ Nyɔŋmɔ ebɔɔɔ Abonsam. Moŋ lɛ, Nyɔŋmɔ bɔ bɔfo ni sɛɛ mli lɛ, ebatsɔ ehe Abonsam lɛ. Biblia lɛ wieɔ yɛ Nyɔŋmɔ he akɛ: “Enitsumɔi hi pɛ; ejaakɛ egbɛi fɛɛ jalɛ ni. Anɔkwa Mawu ji lɛ, nɔ sha bɛ lɛ; jalɔ ji lɛ ni esa pɛ.” (5 Mose 32:3-5) Yɛ ŋmalɛ nɛɛ naa lɛ, wɔbaanyɛ wɔmu sane naa akɛ, be ko lɛ kulɛ, Satan Abonsam eye emuu ni eji jalɔ; no ji kulɛ efata ŋwɛibɔfoi ni ji Nyɔŋmɔ bii lɛ ahe.

 Yesu wie yɛ Yohane 8:44 lɛ akɛ, Abonsam ‘damɔɔɔ anɔkwale lɛ mli,’ ni tsɔɔ akɛ Satan ehi shi pɛŋ akɛ mɔ ni yeɔ anɔkwa ni he bɛ shwamɔ ko.

 Kɛ̃lɛ, taakɛ eji yɛ Yehowa bɔɔ nii ni yɔɔ nilee krokomɛi lɛ agbɛfaŋ lɛ, no mli lɛ, bɔfo ni batsɔ Satan lɛ yɛ hegbɛ akɛ ehalaa akɛ ebaafee ekpakpa aloo efee efɔŋ. Kɛtsɔ shi ni ete ewo Nyɔŋmɔ lɛ, kɛ bɔ ni ewo klɛŋklɛŋ adesai enyɔ lɛ hu ayiŋ ni amɛfata ehe yɛ kɛtse atua lɛ nɔ lɛ, ebatsɔ ehe Satan, ni shishi ji “Shiteekɛwolɔ.”—1 Mose 3:1-5; Kpojiemɔ 12:9.