2 Kronika 16:1-14
16 Yɛ Asa nɔyeli afi ni ji 36 lɛ nɔ lɛ, Israel maŋtsɛ Baasha+ kwɔ kɛba koni ekɛ Yuda abawu, ni ebɔi gbogbotswaa kɛ Rama+ he woo* koni mɔ ko mɔ ko akaya Yuda maŋtsɛ Asa ŋɔɔ loo ejɛ eŋɔɔ kɛba.*+
2 Kɛkɛ ni Asa jie jwiɛtɛi lɛ kɛ shika tsuru lɛ ni yɔɔ Yehowa shĩa lɛ jwetritoohei lɛ+ kɛ maŋtsɛ shĩa lɛ ni ekɛtsu kɛtee Siria maŋtsɛ Ben-hadad+ ni yɔɔ Damasko lɛ ŋɔɔ, ekɛɛ:
3 “Kpaŋmɔ kã mi kɛ bo teŋ kɛ mipapa kɛ opapa teŋ. Mikɛ jwiɛtɛi kɛ shika tsuru miitsu kɛmiiba abahã bo. No hewɔ lɛ, ba ni obaku kpaŋmɔ ni yɔɔ okɛ Israel maŋtsɛ Baasha teŋ lɛ mli, koni eshi mishikpɔŋ lɛ nɔ.”
4 Ben-hadad bo Maŋtsɛ Asa toi ni etsu etatsɛmɛi lɛ koni amɛkɛ Israel maji lɛ ayawu, ni amɛtswia Yion+ kɛ Dan+ kɛ Abel-maim kɛ nitoohei fɛɛ ni yɔɔ Naftali maji amli lɛ nii.+
5 Be ni Baasha nu he lɛ, oya nɔŋŋ ni ekpa gbogbo ni etswaa ewoɔ Rama he lɛ,* ni ekpa nitsumɔ lɛ.
6 Kɛkɛ ni Maŋtsɛ Asa kɛ Yudabii lɛ fɛɛ tee ni amɛyahole tɛi kɛ tsei ni Baasha kɛtswaa Rama+ lɛ,+ ni Asa kɛyatswa gbogbo ewo Geba+ kɛ Mizpa+ he.*
7 Kɛkɛ ni Hanani,+ ninalɔ lɛ ba Yuda maŋtsɛ Asa ŋɔɔ ebakɛɛ lɛ akɛ: “Akɛni okɛ ohiɛ fɔ̃* Siria maŋtsɛ lɛ nɔ, ni okɛ ohiɛ efɔ̃ɔɔ* Yehowa, o-Nyɔŋmɔ lɛ nɔ hewɔ lɛ, Siria maŋtsɛ lɛ asraafoi lɛ eje odɛŋ.+
8 Bɛ Etiopiabii lɛ kɛ Libiabii lɛ kɛ asraafoi babaoo kɛ shwilii kɛ okpɔŋɔnɔtaralɔi babaoo ba onɔ? Shi akɛni okɛ ohiɛ fɔ̃ Yehowa nɔ hewɔ lɛ, ekɛ amɛ wo odɛŋ.+
9 Ejaakɛ Yehowa hiŋmɛii kpaa shi yɛ shikpɔŋ lɛ nɔ fɛɛ,+ koni ekɛ ehewalɛ lɛ aye abua mɛi ni kɛ amɛtsui fɛɛ ehã* lɛ lɛ.+ Oye kwashiai asane yɛ sane nɛɛ mli; no hewɔ lɛ, kɛjɛ ŋmɛnɛ kɛyaa lɛ, tai sɔŋŋ akɛ bo baawu.”+
10 Shi Asa mli fu ninalɔ lɛ ni ewo lɛ tsuŋ* ejaakɛ emli wo la ewo lɛ yɛ sane lɛ hewɔ. Ni Asa wa maŋbii lɛ ekomɛi ayi yɛ nakai be lɛ nɔŋŋ mli.
11 Asa shihilɛ mli saji fɛɛ, kɛjɛ shishijee kɛyashi naagbee lɛ, aŋmala yɛ Yuda Maŋtsɛmɛi Awolo lɛ kɛ Israel Maŋtsɛmɛi Awolo lɛ mli.+
12 Yɛ Asa nɔyeli afi ni ji 39 lɛ nɔ lɛ, eye nane hela ko, ni hela nɛɛ hã ehe ye waa; shi yɛ ehela lɛ mli fɛɛ po lɛ, eyaaa Yehowa ŋɔɔ, shi etee helatsalɔi lɛ moŋ aŋɔɔ.
13 Kɛkɛ ni Asa gbo;*+ egbo yɛ enɔyeli afi ni ji 41 lɛ nɔ.
14 No hewɔ lɛ, amɛfu lɛ yɛ fuuhe kpele ni ekpɛ́ ehã ehe yɛ David Maŋ+ lɛ mli lɛ mli, ni amɛkɛ lɛ fɔ̃ saa ni akɛ balsam mu kɛ tsofa-kɛ-ŋma krɛdɛɛ ko ni afutu nibii srɔtoi kɛfee ewo nɔ lɛ nɔ.+ Agbɛnɛ hu, amɛshã nibii babaoo diɛŋtsɛ amɛhã* lɛ kɛfee yara lɛ.
Shishigbɛ Niŋmaa
^ Loo “ebɔi Rama tswaa; ebɔi Rama tswaa ekoŋŋ.”
^ Loo “Yuda maŋtsɛ Asa shikpɔŋkuku lɛ mli loo ejɛ eshikpɔŋkuku lɛ mli kɛya.”
^ Loo “ekpa Rama tswaa.”
^ Loo “ekɛyatswa Geba kɛ Mizpa; esaa ekɛtswa Geba kɛ Mizpa.”
^ Hebri sht. ŋm., “okpasa.”
^ Hebri sht. ŋm., “okpasaaa.”
^ Loo “sɔmɔɔ.”
^ Hebri sht. ŋm., “ni ekɛ lɛ wo apãi atsũ lɛ mli.”
^ Loo “kɛ etsɛmɛi lɛ yawɔ.”
^ Ekã shi faŋŋ akɛ jeee akɛ amɛshã Asa, shi moŋ lɛ amɛshã tsofa-kɛ-ŋma srɔtoi.
