5 Mose 33:1-29
33 Agbɛnɛ jɔɔmɔ ni Mose, anɔkwa Nyɔŋmɔ lɛ gbɔmɔ lɛ, kɛjɔɔ Israelbii lɛ dani egbo nɛ.+
2 Ekɛɛ akɛ:
“Yehowa jɛ Sinai eba,+Ni ekpɛ yɛ amɛnɔ kɛjɛ Seir.
Ekpɛ yɛ anunyam mli kɛjɛ Paran gɔji lɛ anɔ,+Ni mɛi krɔŋkrɔŋi akpei nyɔŋmai abɔ fata ehe,+Ni etawulɔi lɛ yɛ eninejurɔ nɔ.+
3 Esumɔɔ emaŋ lɛ;+Amɛmɛi krɔŋkrɔŋi lɛ fɛɛ yɛ odɛŋ.+
Amɛho amɛtara onaji anaa;+Amɛbɔi owiemɔi lɛ toiboo.+
4 (Mose kɛ kitã hã, hɛɛ, ekɛ mla hã,+Akɛ Yakob asafo lɛ nɔ.)+
5 Ni ebatsɔ* maŋtsɛ yɛ Yeshurun,*+Be ni maŋ lɛ mli onukpai lɛ bua amɛhe naa,+Amɛ kɛ Israel wekui lɛ fɛɛ lɛ.+
6 Hã Ruben ahi wala mli, ni ekagbo,+Ni ehii lɛ ayifalɛ nɔ akagbɔ.”+
7 Ni jɔɔmɔ ni ekɛjɔɔ Yuda nɛ:+
“Yehowa, bo Yuda gbee toi,+Ni okɛ lɛ aku sɛɛ kɛba emaŋbii lɛ aŋɔɔ.
Eniji fãa nɔ ni ji enɔ lɛ he,*Ni ye obua lɛ ni ewu eshi ehenyɛlɔi.”+
8 Ni Levi lɛ, ewie yɛ ehe akɛ:+
“O-Tumim kɛ o-Yurim*+ lɛ, mɔ ni yeɔ bo* anɔkwa lɛ nɔ ni,+Mɔ ni oka lɛ yɛ Masa lɛ.+
Okɛ lɛ taa naa yɛ Meriba nui lɛ ahe,+
9 Mɔ ni kɛɛ epapa kɛ emami akɛ, ‘Mibuuu amɛ.’
Enyɛmimɛi lɛ po ekwɛɛɛ amɛhiɛ,+Ni ekwa lɛ diɛŋtsɛ ebihii tete po.
Ejaakɛ amɛye owiemɔ lɛ nɔ,Ni amɛye okpaŋmɔ lɛ nɔ.+
10 Hã amɛtsɔɔ Yakob oyiŋkpɛi* lɛ+Ní amɛtsɔɔ Israel o-Mla lɛ.+
Hã amɛshã tsofa-kɛ-ŋma ni eje ŋma krɔŋŋ ewo bo*+Kɛ afɔle muu hu yɛ ofɔleshaa latɛ lɛ nɔ.+
11 Yehowa, jɔɔmɔ ehewalɛ lɛ,Ni oná eninenaa nitsumɔ he miishɛɛ.
Kuumɔ mɛi ni teɔ shi woɔ lɛ lɛ anaji,*Koni mɛi ni nyɛɔ lɛ lɛ akate shi dɔŋŋ.”
12 Ni Benyamin lɛ, ewie yɛ ehe akɛ:+
“Hã mɔ ni Yehowa sumɔɔ lɛ lɛ ahi shi shweshweeshwe yɛ emasɛi;Ni ebu ehe gbi muu fɛɛ,Ni ehi ekɔɔji ateŋ.”
13 Ni Yosef lɛ, ewie yɛ ehe akɛ:+
“Yehowa ajɔɔ eshikpɔŋ lɛ+Kɛ nibii kpakpai ni jɛ ŋwɛi,Kɛ bɔ́ kɛ nu ni jɛ nuhiŋmɛii ni yɔɔ shishi lɛ amli,+
14 Kɛ nibii kpakpai ni hulu lɛ hãa ebaa,Kɛ nibaa nii kpakpai daa nyɔɔŋ nɔ,+
15 Kɛ nibii kpakpai fe fɛɛ ni jɛ blema gɔji* lɛ anɔ,+Kɛ gɔŋkpɔi ni hiɔ shi daa lɛ anɔ nibii kpakpai,
16 Kɛ shikpɔŋ lɛ nɔ nibii kpakpai kɛ nibii fɛɛ ni yɔɔ nɔ lɛ,+Ni ená mɔ ni hiɔ ŋmei tso+ lɛ teŋ lɛ hiɛ dromɔ.
Hã fɛɛ abashwie Yosef yiteŋ,Ebashwie mɔ ni ajie lɛ ato afã kɛjɛ enyɛmimɛi lɛ ateŋ lɛ pampam.+
17 Enunyam lɛ tamɔ tsina kromɔ binuu nɔ,Ni ekolontoi lɛ, ŋa mli tsinanuu akolontoi ni.
Nomɛi ekɛbaatsirɛ* maji,Hɛɛ, ekɛbaatsirɛ amɛ fɛɛ kɛya shikpɔŋ lɛ naagbeehei lɛ.
Nomɛi ji Efraim akpei nyɔŋmai abɔ lɛ,+Ni nomɛi nɔŋŋ ji Manase akpei abɔ lɛ.”
18 Ni Zebulon lɛ, ewie yɛ ehe akɛ:+
“Zebulon, omii ashɛ ohe yɛ okpojee mli,Ni bo Isakar hu, omii ashɛ ohe yɛ omama tsũi lɛ amli.+
19 Amɛbaatsɛ maji kɛya gɔŋ lɛ nɔ.
Ni jɛmɛ amɛbaashã jalɛ afɔlei yɛ.
Ejaakɛ amɛbaaná* ŋshɔ lɛ mli nii babaoo lɛ ekoKɛ nibii kpakpai* ni akɛtee yɛ shia mli lɛ.”
20 Ni Gad lɛ, ewie yɛ ehe akɛ:+
“Ajɔɔ mɔ ni lɛɔ Gad husui lɛ amli lɛ.+
Ebuɔ shi tamɔ jata,Efee klalo akɛ ebaatse nine lɛ, hɛɛ, ebaatserɛ yiteŋ pampam lɛ.
21 Ebaahala klɛŋklɛŋ gbɛfaŋnɔ lɛ ehã ehe,+Ejaakɛ jɛmɛ akɛ mlawolɔ gbɛfaŋnɔ lɛ eto yɛ.+
Maŋ lɛ mli onukpai lɛ baabua amɛhe naa.
Ebaatsu Yehowa jalɛ lɛKɛ eyiŋkpɛi* lɛ ahe nii ehã Israel.”
22 Ni Dan lɛ, ewie yɛ ehe akɛ:+
“Dan lɛ, jata bi ni.+
Ebaatu kɛaajɛ Bashan.”+
23 Ni Naftali lɛ, ewie yɛ ehe akɛ:+
“Naftali lɛ, etɔ kɛ Yehowa hiɛ dromɔ,Ni ejɔɔmɔ eyi lɛ obɔ.
Ŋɔɔ anai kɛ wuoyi ofee onɔ.”
24 Ni Asher lɛ, ewie yɛ ehe akɛ:+
“Ajɔɔ Asher kɛ bihii.
Ehiɛ aba nyam yɛ enyɛmimɛi lɛ ahiɛ,Ni ekɛ enane atsɔ* mu mli.
25 Dade kɛ akɔɔble akɛlaa ogbó sɛɛ,+Ni obaahi shi shweshweeshwe owala gbii abɔ fɛɛ.*
26 Mɔ ko mɔ ko bɛ ni tamɔ Yeshurun+ anɔkwa Nyɔŋmɔ lɛ,+Mɔ ni nyiɛɔ ŋwɛi kɛhoɔ koni ebaye ebua bo,Mɔ ni nyiɛɔ atatui lɛ anɔ yɛ egbojee mli lɛ.+
27 Nyɔŋmɔ ji abobaahe kɛjɛ blema tɔ̃ɔ,+Enaanɔ niji lɛ yɛ oshishi.+
Ni ebaashwie henyɛlɔ lɛ kɛje ohiɛ,+Ni ebaakɛɛ akɛ, ‘Kpatamɔ amɛhiɛ!’+
28 Israel baahi shi shweshweeshwe,Ni Yakob nuhiŋmɛi lɛ kome too baahi shiYɛ shikpɔŋ ni ŋmaa* kɛ wain hee yɔɔ nɔ lɛ nɔ,+Ní bɔ́ shwieɔ shi kɛjɛɔ eŋwɛi lɛ.+
29 Israel, oyɛ miishɛɛ!+
Namɔ tamɔ bo,+Maŋ ni Yehowa ehere oyiwala,+Mɔ ni ji otsɛŋ ni buɔ ohe+Kɛ oklante ni je agbo lɛ?
Ohenyɛlɔi lɛ baaba amɛhe shi yɛ ohiɛ,+Ni obaanaanaa amɛsɛɛ.”*
Shishigbɛ Niŋmaa
^ Ni tsɔɔ akɛ, Nyɔŋmɔ batsɔ.
^ Eshishi ji, “Mɔ Ni Ja,” eji gbɛnaa gbɛ́i ni yɔɔ nyam ni akɛtsɛɔ Israel.
^ Loo “Eniji wuɔ ehãa nɔ ni ji enɔ lɛ.”
^ Kwɛmɔ Wiemɔi Titrii Amligbalamɔ lɛ.
^ Najiaŋgbɛ́i ni ji “o” kɛ “bo” ni akɛtsu nii yɛ kuku nɛɛ mli lɛ damɔ shi kɛhã Nyɔŋmɔ.
^ Loo “okojomɔi.”
^ Hebri sht. ŋm., “ewo ogugɔŋ.”
^ Loo “ahɛi.”
^ Shishitsɔɔmɔi komɛi kɛɔ akɛ, “bokã gɔji.”
^ Loo “ekɛbaashimɔ.”
^ Hebri sht. ŋm., “amɛbaaye.”
^ Loo “jwetrii.”
^ Loo “ekojomɔi.”
^ Loo “Ni eju enane he yɛ.”
^ Hebri sht. ŋm., “Ni bɔ ni ogbii lɛ yɔɔ lɛ, nakai ohewalɛ aaafee.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Shishitsɔɔmɔi komɛi kɛɔ akɛ, “obaanaanaa amɛhei grɔŋŋi lɛ anɔ.”
