Hiob 11:1-20
11 Zofar,+ Naamanyo lɛ, jie naa akɛ:
2 “Ani ahãŋ wiemɔi nɛɛ fɛɛ hetoo,Aloo wiemɔi babaoo feɔ mɔ ko jalɔ?*
3 Ani owiemɔi foji lɛ baahã mɛi afee diŋŋ?
Ani mɔ ko kãŋ ohiɛ yɛ hefɛoyeli wiemɔi ni owieɔ lɛ hewɔ?+
4 Ejaakɛ okɛɔ akɛ, ‘Mitsɔɔmɔ lɛ yɛ krɔŋŋ,+Ni mihe tse yɛ ohiɛ.’*+
5 Shi miná kulɛ Nyɔŋmɔ wieNí egbele enaa etsɔɔ bo!+
6 Kɛkɛ lɛ, ebaajie hiɛshikamɔ he teemɔŋ saji lɛ kpo etsɔɔ bo,Ejaakɛ hiɛshikamɔ jeɔ kpo yɛ gbɛi srɔtoi anɔ.
Ni no lɛ, obaana akɛ Nyɔŋmɔ jieɔ otɔmɔi lɛ ekomɛi yɛ ejwɛŋmɔ mli.
7 Ani obaanyɛ ona Nyɔŋmɔ nibii ni mli kwɔlɔ lɛ anaaAloo obaanyɛ ole Ofe lɛ he nɔ fɛɛ nɔ?*
8 Ekwɔ fe ŋwɛi. Mɛni obaanyɛ ofee?
Emli kwɔ fe Gbonyobu* lɛ. Mɛni obaanyɛ ole?
9 Ekɛ fe shikpɔŋ lɛNi elɛɛ fe ŋshɔ lɛ.
10 Kɛji ebaho, ni etsĩ mɔ ko naa, ni etsɛ saneyeli lɛ,Namɔ baanyɛ enaa atsĩ?
11 Ejaakɛ kɛ́ gbɔmɛi miimale lɛ, ele.
Kɛji ena nɔ fɔŋ lɛ, ani eyɔseee?
12 Shi kɛ́ ŋa mli teji baanyɛ afɔ gbɔmɔ* lɛNo lɛ, nuu ni bɛ jwɛŋmɔ hu baaná niiashishinumɔ.
13 Miná kulɛ osaa otsui,Ní okpã oniji amli ohã lɛ.
14 Kɛji onine miifee nɔ ko ni ejaaa lɛ, kɛya sɛɛ shɔŋŋ,Ni kaahã nɔ ko ni ejaaa hi omama tsũi lɛ amli.
15 No lɛ, obaanyɛ owó ohiɛ nɔ ni kpa ko bɛ ohe;Obaanyɛ odamɔ shi shiŋŋ ní osheee gbeyei.
16 No lɛ, ohiɛ baakpa onaagba lɛ nɔ;Obaakai lɛ tamɔ nui ni eho kɛtsɔ omasɛi kɛtee.
17 Owala baakpɛ fe shwane fintiŋŋ;Eduŋ lɛ po baatamɔ leebi.
18 Obaaná nɔmimaa yɛ enɛ he, ejaakɛ hiɛnɔkamɔ yɛ,Obaakwɛkwɛɛ ohe, ni obaakã shi shweshweeshwe.
19 Obaakã shi, ni mɔ ko mɔ ko woŋ ohe gbeyei,Ni mɛi babaoo baatao ohiɛ dromɔ.
20 Shi mɛi fɔji lɛ, amɛhiŋmɛii anɔ baaha;Ni amɛnáŋ he ko he ko amɛjo foi kɛya,Ni gbele* baafee hiɛnɔkamɔ pɛ ni amɛyɔɔ.”+
Shishigbɛ Niŋmaa
^ Loo “Ani naafuutsɛ sane baaja?”
^ Loo “ohiŋmɛiiaŋ.”
^ Loo “obaanyɛ ole he ni Ofe lɛ agbojee yawaa?”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “kɛ́ afɔ ŋa mli teji akɛ gbɔmɔ.”
^ Loo “susuma lɛ hiɛkpatamɔ.”
