Lalai 132:1-18
Ŋwɛikwɔɔ Lala.
132 Ao Yehowa, kaimɔ DavidKɛ emanehului lɛ fɛɛ;+
2 Bɔ ni ekã Yehowa kitã,Bɔ ni ewo Yakob Hewalɔ lɛ shi akɛ:+
3 “Miyaŋ mimama tsũ, mi diɛŋtsɛ mishĩa lɛ mli.+
Mikãŋ misɛi saatso, mi diɛŋtsɛ misaatso lɛ nɔ;
4 Mihãŋ mihiŋmɛii aná wɔ,Ni mihãŋ wɔ hu aba mihiŋmɛii asɛɛ
5 Kɛyashi maná he ko mahã Yehowa,Shĩa fɛfɛo* mahã Yakob Hewalɔ lɛ.”+
6 Naa! Wɔnu he yɛ Efrata;+Wɔna yɛ koo lɛ mli tsei lɛ ateŋ.+
7 Nyɛhãa wɔyaa eshĩa*+ lɛ mli;Nyɛhãa wɔkotoa shi yɛ enajiashi sɛi+ lɛ hiɛ.
8 Ao Yehowa, tee shi ni oba ohejɔɔmɔhe lɛ,+Bo kɛ Adeka ni tsɔɔ akɛ oyɛ hewalɛ lɛ.+
9 Jalɛ nifeemɔi awula mɛi ni yeɔ osɔfo amɛhãa bo lɛ,Ni onɔkwafoi lɛ alá nyamɔ lala.
10 Otsulɔ David hewɔ lɛ,Kaakwa mɔ ni ofɔ lɛ mu lɛ.*+
11 Yehowa ekã David kitã;Etsakeŋ ewiemɔ lɛ kɔkɔɔkɔ.
Ekã lɛ kitã akɛ: “Mahã oseshibii* lɛ ateŋ mɔ komeAta omaŋtsɛ sɛi lɛ nɔ.+
12 Kɛji obihii lɛ ye mikpaŋmɔ lɛKɛ mikaimɔi ni matsɔɔ amɛ lɛ anɔ lɛ,+No lɛ, amɛbihii huBaata omaŋtsɛ sɛi lɛ nɔ kɛya naanɔ.”+
13 Ejaakɛ Yehowa ehala Zion;+Eesumɔ ni ekɛfee eshihilɛhe.+
14 Ekɛɛ akɛ: “Mihejɔɔmɔhe nɛ kɛmiiya naanɔ;Biɛ mahi,+ ejaakɛ biɛ misumɔɔ.
15 Majɔɔ biɛ babaoo kɛ nibii kpakpai;Mahã ohiafoi ni yɔɔ biɛ lɛ atɔrɔ kɛ niyenii.*+
16 Mawula emli osɔfoi lɛ kɛ yiwalaheremɔ,+Ni emli anɔkwafoi lɛ baalá nyamɔ lala.+
17 Jɛmɛ mahã David akolonto* lɛ ada yɛ.
Misaa kane ko mito mihã mɔ ni mifɔ lɛ mu lɛ.+
18 Mikɛ hiɛgbele baawula ehenyɛlɔi lɛ,Shi lɛ lɛ, akekere* ni bu eyitso lɛ baakpɛ.”*+
Shishigbɛ Niŋmaa
^ Loo “Sɔlemɔ buu kpele.”
^ Loo “esɔlemɔ buu kpele.”
^ Hebri sht. ŋm., “Kaatsɔ mɔ ni ofɔ lɛ mu lɛ hiɛ ohã sɛɛ.”
^ Hebri sht. ŋm., “omusuŋ yibii.”
^ Hebri sht. ŋm., “blodo.”
^ Loo “hewalɛ.”
^ Loo “maŋtsɛ fai.”
^ Loo “baashwere.”
