Lalai 135:1-21
135 Nyɛjiea Yah yi!*
Nyɛjiea Yehowa gbɛ́i lɛ yi;Nyɛ Yehowa tsuji, nyɛjiea eyi,+
2 Nyɛ mɛi ni nyɛdamɔɔ Yehowa shĩa lɛ,Yɛ wɔ-Nyɔŋmɔ lɛ shĩa lɛ kpoi lɛ anɔ lɛ.+
3 Nyɛjiea Yah yi, ejaakɛ Yehowa hi.*+
Nyɛláa* kɛjiea egbɛ́i lɛ yi, ejaakɛ egbɛ́i lɛ ŋɔɔ.
4 Ejaakɛ Yah ehala Yakob ehã ehe,Ehala Israel akɛ enii ni eshwɛɛɛ he kwraa.+
5 Ejaakɛ mile akɛ Yehowa je agbo;Wɔ-Nuŋtsɔ lɛ je agbo fe nyɔŋmɔi krokomɛi lɛ fɛɛ.+
6 Yehowa feɔ nɔ fɛɛ nɔ ni esumɔɔ+Yɛ ŋwɛi kɛ shikpɔŋ lɛ nɔ, yɛ ŋshɔi lɛ amli kɛ nui lɛ fɛɛ ashishi.
7 Ehãa atatui* teɔ shi kɛjɛɔ shikpɔŋ lɛ naagbeehei lɛ;Ehãa sarawai gbálaa yɛ nugbɔnɛmɔ mli;*Ejieɔ kɔɔyɔɔ lɛ kɛjɛɔ enitoohei* lɛ.+
8 Etswa Ejipt kromɔbii lɛ nɔ,Gbɔmɔ kɛ kooloo fɛɛ.+
9 Etsu okadii kɛ naakpɛɛ nii kɛba bo, Ejipt omli,+Kɛba Farao kɛ etsuji lɛ fɛɛ anɔ.+
10 Etswia jeŋmaji pii anii,+Ni egbe maŋtsɛmɛi wuji+
11 —Sihon, Amorbii amaŋtsɛ lɛ,+Og, Bashan maŋtsɛ lɛ,+Kɛ Kanaan maŋtsɛyelii lɛ fɛɛ.
12 Ekɛ amɛshikpɔŋ lɛ hã akɛ gboshinii,Akɛ emaŋ Israel gboshinii.+
13 Ao Yehowa, ogbɛ́i lɛ hiɔ shi kɛyaa naanɔ.
Ao Yehowa, gbɛ́i ni ofee lɛ* hiɔ shi yɛ yinɔi fɛɛ amli.+
14 Ejaakɛ Yehowa baafã emaŋ lɛ he,*+Ni emusuŋ baatsɔ lɛ* yɛ etsuji lɛ ahe.+
15 Jeŋmaji lɛ amagai lɛ, jwiɛtɛi kɛ shika tsuru kɛkɛ ni,Gbɔmɛi aninenaa nitsumɔi ni.+
16 Amɛyɛ naabu, shi amɛnyɛɛɛ amɛwie;+Amɛyɛ hiŋmɛii hu, shi amɛnaaa nii;
17 Amɛyɛ toii, shi amɛnuuu nii;
Kɔɔyɔɔ ni amuɔ ko bɛ amɛdaaŋ hu.+
18 Mɛi ni fee amɛ lɛ baatsɔ tamɔ amɛ nɔŋŋ,+Ni nakai nɔŋŋ mɛi fɛɛ ni kɛ amɛhiɛ fɔ̃ɔ amɛnɔ lɛ hu baatsɔ.+
19 Ao Israel shĩa, nyɛjiea Yehowa yi.
Ao Aaron shĩa, nyɛjiea Yehowa yi.
20 Ao Levi shĩa, nyɛjiea Yehowa yi.+
Nyɛ mɛi ni nyɛsheɔ Yehowa gbeyei, nyɛjiea Yehowa yi.
21 Ajɛ Zion ajie Yehowa yi,+Lɛ mɔ ni eyɔɔ Yerusalem lɛ.+
Nyɛjiea Yah yi!+
Shishigbɛ Niŋmaa
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
^ Loo “ejaakɛ Yehowa lɛ, mɔ kpakpa ni.”
^ Loo “Nyɛtswaa lala.”
^ Loo “afua.”
^ Shishitsɔɔmɔi komɛi kɛɔ akɛ, “Egbaa gbɛi kɛhãa nugbɔnɛmɔ.”
^ Ni ji, Nyɔŋmɔ nitoohei lɛ.
^ Loo “ogbɛ́i lɛ.” Hebri sht. ŋm., “okaimɔ lɛ.”
^ Loo “ebaashwa ehe.”
^ Loo “Yehowa baatsu emaŋ lɛ asaji ahe nii.”
