Lalai 145:1-21
Yijiemɔ lala; David nɔ.
א [Alef]
145 Ao mi-Nyɔŋmɔ kɛ mi-Maŋtsɛ, mawó onɔ gojoo,+Majie ogbɛ́i lɛ yi kɛya naanɔi anaanɔ.+
ב [Bet]
2 Majie oyi gbi muu fɛɛ;+Majie ogbɛ́i lɛ yi kɛya naanɔi anaanɔ.+
ג [Gimel]
3 Yehowa je agbo, ni esa yijiemɔ babaoo;+Anuuu egbojee lɛ shishi.*+
ד [Dalet]
4 Abaajie onitsumɔi lɛ yi kɛjɛ yinɔ kome nɔ kɛya yinɔ kroko nɔ;Amɛbaawie onitsumɔi wuji lɛ ahe.+
ה [He]
5 Amɛbaawie+ onunyam lɛ agbojee lɛ heNi majwɛŋ onaakpɛɛ nitsumɔi lɛ anɔ.
ו [Waw]
6 Amɛbaawie onifeemɔi ni yɔɔ gbeyei lɛ ahe,*Ni mawie ogbojee lɛ he.
ז [Zayin]
7 Kɛ́ amɛkai nibii kpakpai babaoo ni ofeɔ lɛ, yijiemɔ baaje amɛnaa,+Ni amɛbaalá nyamɔ lala yɛ ojalɛ nifeemɔi lɛ ahewɔ.+
ח [Het]
8 Yehowa lɛ, musuŋtsɔlɔ* kɛ mɔbɔnalɔ ni,+Emli fuuu mra, ni esuɔmɔ ni tsakeee lɛ da.+
ט [Tet]
9 Yehowa hi hã mɛi fɛɛ,+Ni anaa emɔbɔnalɛ lɛ yɛ enitsumɔi lɛ fɛɛ amli.
י [Yod]
10 Ao Yehowa, onitsumɔi lɛ fɛɛ baawo ohiɛ nyam,+Ni onɔkwafoi lɛ baajie oyi.+
כ [Kaf]
11 Amɛbaajaje omaŋtsɛyeli+ lɛ anunyam lɛ amɛtsɔɔ,Ni amɛbaawie ohewalɛ lɛ he,+
ל [Lamed]
12 Koni gbɔmɛi ale onitsumɔi wuji+ lɛKɛ omaŋtsɛyeli+ lɛ anunyam lɛ agbojee lɛ.
מ [Mem]
13 Omaŋtsɛyeli lɛ, naanɔ maŋtsɛyeli ni,Ni onɔyeli lɛ hu hiɔ shi yɛ yinɔi fɛɛ amli.+
ס [Samek]
14 Yehowa yeɔ ebuaa mɛi fɛɛ ni gbeɔ shi+ lɛNi eholeɔ mɛi fɛɛ ni bumɔ shi lɛ anɔ.+
ע [Ayin]
15 Hiŋmɛii fɛɛ miikwɛ bo gbɛ;Bo ohãa amɛ niyenii yɛ ebe mli.+
פ [Pe]
16 Ogbɛɔ odɛŋNi ohãa nɔ fɛɛ nɔ ni hiɛ kã lɛ tɔɔ kɛ nɔ ni etaoɔ.+
צ [Tsade]
17 Yehowa ja yɛ egbɛi fɛɛ amli,+Ni eyeɔ anɔkwa yɛ nɔ fɛɛ nɔ ni efeɔ lɛ mli.+
ק [Kof]
18 Yehowa yɛ mɛi fɛɛ ni boɔ amɛtsɛɔ lɛ lɛ amasɛi,+Mɛi fɛɛ ni tsɛɔ lɛ kɛ tsui krɔŋŋ* lɛ.+
ר [Resh]
19 Efeɔ nɔ ni mɛi fɛɛ ni sheɔ lɛ gbeyei lɛ taoɔ lɛ ehãa amɛ;+Eboɔ amɛbolɔmɔ kɛhã yelikɛbuamɔ lɛ toi ni ejieɔ amɛ.+
ש [Shin]
20 Yehowa buɔ mɛi fɛɛ ni sumɔɔ lɛ lɛ ahe,+Shi mɛi fɔji lɛ, ebaakpãtã amɛ fɛɛ amɛhiɛ.+
ת [Taw]
21 Minaabu baajaje Yehowa yijiemɔ lɛ etsɔɔ;+Nɔ fɛɛ nɔ ni hiɛ kã lɛ* ajie egbɛ́i krɔŋkrɔŋ lɛ yi kɛya naanɔi anaanɔ.+
Shishigbɛ Niŋmaa
^ Loo “Anyɛɛɛ egbojee lɛ shishi ana.”
^ Loo “ohewalɛ ni yɔɔ gbeyei lɛ he.”
^ Loo “drolɔ.”
^ Loo “tsɛɔ lɛ yɛ anɔkwale mli.”
^ Hebri sht. ŋm., “Heloo fɛɛ.”
