Lalai 65:1-13
Kɛhã lalatsɔɔlɔ lɛ. Lala ni David fo. Lala.
65 Ao Nyɔŋmɔ, yijiemɔ miimɛ bo yɛ Zion;+Wɔbaaye shi ni wɔwo bo lɛ nɔ.+
2 Ao Sɔlemɔ Toibolɔ, bo oŋɔɔ gbɔmɛi srɔtoi* fɛɛ baaba.+
3 Mitɔmɔi lɛ fa babaoo,+Shi otsĩmɔɔ wɔhe eshai lɛ anɔ.+
4 Mɔ ni ohalaa ni ohãa ebɛŋkɛɔ boKoni ehi okpoi lɛ anɔ lɛ yɛ miishɛɛ.+
Wɔbaatɔrɔ kɛ nibii kpakpai ni yɔɔ oshĩa lɛ,+Osɔlemɔ shĩa* krɔŋkrɔŋ+ lɛ.
5 Ao wɔyiwalaheremɔ Nyɔŋmɔ,Okɛ jalɛ naakpɛɛ nitsumɔi baahere wɔ nɔ;+Bo ji mɛi ni yɔɔ shikpɔŋ lɛ naagbeehei lɛ fɛɛKɛ mɛi ni yɔɔ ŋshɔ sɛɛ shɔŋŋ lɛ fɛɛ a-Hiɛnɔkamɔ.+
6 Ohã* gɔji lɛ ma shi shiŋŋ yɛ ohewalɛ lɛ naa;Hewalɛ ewula bo.*+
7 Ojɔɔ* ŋshɔ ni efee hamahama lɛ he,+Amɛshɔkei ni kumɔɔ lɛ kɛ jeŋmaji lɛ ahoofeemɔ lɛ.+
8 Mɛi ni yɔɔ hei ni yɔɔ shɔŋŋshɔŋŋ lɛ baashe gbeyei yɛ okadi ni ofeɔ lɛ hewɔ;+Obaahã mɛi ni yɔɔ hulushiteehe kɛyashi hulushinyɔɔhe lɛ anya waa.
9 kwɛɔ shikpɔŋ lɛ,Ni ohãa ebaa nii babaoo* kɛ yibii kpakpai.+
Faa ni jɛ Nyɔŋmɔ ŋɔɔ lɛ mli eyi obɔ kɛ nu;Ohãa amɛ ŋmaa,*+Ejaakɛ nakai ji bɔ ni ofee shikpɔŋ lɛ.
10 Ogbalaa nujɔi owoɔ mli ni osaa enɔ shia* lɛ nɔ;Ohãa nugbɔ nɛɔ kɛjɔɔ he; ojɔɔ enɔ nibaa nii lɛ.+
11 Okɛ onii kpakpai lɛ fiɔ afi lɛ akekere;Ogbɛi lɛ anɔ eyi obɔ kɛteke nɔ.*+
12 Kooloi alɛɛhei ni yɔɔ ŋa lɛ nɔ lɛ yaa nɔ etsereɔ kɛ bɔ,+Ni miishɛɛ ewula gɔŋkpɔi lɛ.+
13 Tookui eyi lɛɛhei lɛ fɛɛ,Ni ŋmaa eha jɔi lɛ amli fɛɛ.+
Amɛbolɔɔ kɛ nyamɔ, hɛɛ, amɛláa.+
Shishigbɛ Niŋmaa
^ Hebri sht. ŋm., “bo oŋɔɔ heloo.”
^ Loo “Ojamɔhe.”
^ Hebri sht. ŋm., “Lɛ.”
^ Hebri sht. ŋm., “Ehã.”
^ Hebri sht. ŋm., “Ejɔɔ.”
^ Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
^ Hebri sht. ŋm., “obaahã lɛ nu kɛteke nɔ.”
^ Loo “akofii.”
^ Hebri sht. ŋm., “tsereɔ kɛ fɔ.”
