Lalai 98:1-9
-
Yehowa, Yiwalaherelɔ kɛ Kojolɔ ni ja
-
Yehowa ehã ale eyiwalaheremɔ lɛ (2, 3)
-
Lala ni afo.
98 Nyɛláa lala hee nyɛhãa Yehowa,+Ejaakɛ efee naakpɛɛ nii.+
Eninejurɔ, enine krɔŋkrɔŋ lɛ etsu yiwalaheremɔ nitsumɔ.*+
2 Yehowa ehã ale eyiwalaheremɔ lɛ;+Ejie ejalɛ nifeemɔi lɛ akpo yɛ jeŋmaji lɛ ahiɛ.+
3 Ekai shi ni ewo akɛ ebaajie esuɔmɔ ni tsakeee kpo etsɔɔ Israel shĩa lɛ, ni eye Israel shĩa lɛ anɔkwa hu lɛ.+
Shikpɔŋ lɛ naagbeehei lɛ fɛɛ ena wɔ-Nyɔŋmɔ lɛ yiwalaheremɔ lɛ.*+
4 Shikpɔŋ lɛ fɛɛ, nyɛláa kunimyeli lala nyɛhãa Yehowa.
Nyɛmii ashɛa nyɛhe ni nyɛláa nyamɔ lala kɛ yijiemɔ lalai.*+
5 Nyɛkɛ saŋku aláa yijiemɔ lalai* nyɛhãa Yehowa,Saŋku kɛ lalai ni ŋɔɔ.
6 Nyɛkɛ tɛtɛrɛmantɛrɛi kɛ akolonto gbɛɛmɔ+Aláa kunimyeli lala yɛ Maŋtsɛ Yehowa hiɛ.
7 Ŋshɔ lɛ kɛ nɔ fɛɛ nɔ ni yɔɔ mli lɛ ashimɔ tamɔ nugbɔshiimɔ,Shikpɔŋ lɛ kɛ mɛi ni yɔɔ nɔ lɛ.
8 Fai lɛ atswa amɛdɛ̃;Gɔji lɛ afee ekome kɛlá nyamɔ lala+
9 Yɛ Yehowa hiɛ, ejaakɛ eeba* ni ebakojo shikpɔŋ lɛ.
Ebaakojo mɛi ni yɔɔ shikpɔŋ lɛ nɔ lɛ yɛ jalɛ naa,+Kɛ majimaji lɛ hu yɛ jalɛ naa.+
Shishigbɛ Niŋmaa
^ Loo “enine krɔŋkrɔŋ lɛ eye kunim.”
^ Loo “wɔ-Nyɔŋmɔ lɛ kunimyeli lɛ.”
^ Loo “nyɛláa nyamɔ lala ni nyɛtswaa lalai.”
^ Loo “Nyɛkɛ saŋku atswaa lalai.”
^ Loo “eba.”
