Yesaia 32:1-20
32 Naa! Maŋtsɛ+ ko baaye nɔ yɛ jalɛ naa,+Ni lumɛi hu baaye nɔ yɛ jalɛsaneyeli naa.
2 Ni mɔ fɛɛ mɔ baatsɔ tamɔ teemɔhe* be ni kɔɔyɔɔ miitswa,Abobaahe* be ni nugbɔ miinɛ,Tamɔ fai ni hoɔ yɛ shikpɔŋ ni nu bɛ nɔ lɛ nɔ,+Tamɔ hɔɔŋ ni tɛsaa agbo hãa yɛ shikpɔŋ gbiŋ nɔ.
3 Ni aŋamɔŋ mɛi ni naa nii lɛ ahiŋmɛii dɔŋŋ,Ni mɛi ni nuɔ nii lɛ atoii baabo sane toi jogbaŋŋ.
4 Mɛi ni haa shi lɛ atsui baajwɛŋ nilee nɔ,Ni mɛi ni haa mumɔ lɛ naa baatse ni amɛbaawie jogbaŋŋ.+
5 Atsɛŋ kwashia akɛ mɔ ni feɔ ejurɔ dɔŋŋ,Ni atsɛŋ mɔ ni ebuuu nɔ ko akɛ ablade dɔŋŋ;
6 Ejaakɛ kwashia baawie kwashiai awiemɔ,Ni ebaato ŋai fɔji yɛ etsui mli,+Koni ekwa Nyɔŋmɔ,* ni ewie wiemɔi ni esaaa eshi Yehowa,Koni ehã mɔ ni hɔmɔ yeɔ lɛ lɛ* akaná nɔ ko eyeNi mɔ ni kumai yeɔ lɛ lɛ hu akaná nɔ ko enu.
7 Ŋaa ni mɔ ni ebuuu nɔ ko nɔ ko lɛ tsɔɔ lɛ, efɔŋ sɔŋŋ ni;+Etsɔɔ hiɛgbejianii ahe ŋaaKoni ekɛ amalei akpãtã mɔ ni naa nɔ lɛ hiɛ+Kɛ́ ohiafo lɛ miiwie anɔkwale po.
8 Shi mɔ ni feɔ ejurɔ lɛ, ejurɔfeemɔ he esusuɔNi ekpaaa ejurɔfeemɔ.*
9 “Nyɛ yei ni nyɛhe ejɔ nyɛ, nyɛtea shi ni nyɛboa migbee toi!
Nyɛ biyei ni nɔ ko jeee nyɛhe sane,+ nyɛboa nɔ ni mikɛɔ lɛ toi jogbaŋŋ!
10 Biɛ afi kɛ gbii fioo mli lɛ, nyɛ mɛi ni nɔ ko jeee nyɛhe sane lɛ atsui baafã,Ejaakɛ be ni akpa wain yibii lɛ atã lɛ, abuaŋ yibii ko naa dɔŋŋ.+
11 Nyɛ yei ni nyɛhe ejɔ nyɛ, nyɛhe akpokpoa!
Nyɛ mɛi ni nɔ ko jeee nyɛhe sane, nyɛtsui afãa!
Nyɛkpɔlɔa nyɛhe nibii,Ni nyɛkɛ kpekpe* aŋmɔa nyɛhɛ.+
12 Nyɛshimɔa nyɛtsitsii kɛyea ŋkɔmɔYɛ nɔ ni eba ŋmɔji ni baa nii pii kɛ wain tsei ni woɔ yibii pii lɛ anɔ lɛ hewɔ.
13 Ejaakɛ ŋmeii kɛ aklatei baaha mimaŋ lɛ shikpɔŋ lɛ nɔ;Amɛbaaha shĩai ni anyaa yɛ mli lɛ fɛɛ anɔ,Hɛɛ, amɛbaaha maŋ ni anyaa yɛ mli lɛ nɔ.+
14 Ejaakɛ ashi mɔɔ lɛ afɔ̃ shi;Ashi maŋ ni afeɔ hoo yɛ mli lɛ afɔ̃ shi.+
Ofel+ kɛ buu mɔɔ lɛ etsɔ he ko ni akɛfeee nɔ ko dɔŋŋ,Etsɔ he ko ni ŋa mli tejii shwɛɔ yɛ,He ko ni kooloi akuu yeɔ nii yɛ,+
15 Ebaahi nakai kɛyashi abaafɔse mumɔ lɛ kɛjɛ ŋwɛi ashwie wɔnɔ,+Ni ŋa lɛ nɔ atsɔ aduawa ŋmɔ,Ni abu aduawa ŋmɔ akɛ koo.+
16 Kɛkɛ lɛ, jalɛsaneyeli baahi ŋa lɛ nɔ,Ni jalɛ nifeemɔ baahi aduawa ŋmɔ lɛ mli.+
17 Nɔ ni baajɛ anɔkwa jalɛ nifeemɔ mli aba ji toiŋjɔlɛ,+Ni yibii ni anɔkwa jalɛ nifeemɔ baawo ji, ebaahã mɛi atsui anyɔ amɛmli ni amɛhi shi shweshweeshwe daa.+
18 Mimaŋ lɛ baahi he ko ni toiŋjɔlɛ babaoo yɔɔ,Shihilɛhei ni oshãra ko bɛ jɛmɛ kɛ hei ni ajɔɔ he yɛ ni hãa mɛi atsui nyɔɔ amɛmli.+
19 Shi nyɔŋmɔŋtɛi baahã koo lɛ afee tɛtrɛɛ,Ni maŋ lɛ baakumɔ ashwie shi shwɛtɛɛ.
20 Nyɛ mɛi ni nyɛduɔ nii yɛ fai fɛɛ ahe,Ni nyɛŋmɛɔ tsinanuu kɛ teji he lɛ yɛ miishɛɛ.”+
Shishigbɛ Niŋmaa
^ Loo “shihilɛhe.”
^ Loo “Teemɔhe.”
^ Loo “Koni ekabu Nyɔŋmɔ.”
^ Loo “mɔ ni hɔmɔ yeɔ lɛ lɛ susuma.”
^ Loo “ekpakpafeemɔ.”
^ Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
