Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

“Enɛ akagbale Mawu akɛ eeefee nɔ fɔŋ, kɛ Ofe lɛ hu akɛ eeefee nɔ ko ní ejaaa gbɛ.” (Hiob 34:10) Jeee Nyɔŋmɔ ji mɔ ni hãa efɔŋfeemɔ kɛ piŋmɔ ni yaa nɔ yɛ je lɛ mli lɛ baa.

Mɛni hu wɔkaseɔ kɛjɛɔ Biblia lɛ mli?

• Satan Abonsam, ni ji “je lɛ nɔyelɔ lɛ,” ji mɔ titri ni hãa wɔpiŋɔ.​—Yohane 14:30.

• Kɛfata he lɛ, bei pii lɛ, yiŋ gbohii ni mɛi kpɛɔ lɛ ji nɔ ni kɛ piŋmɔ kɛ efɔŋfeemɔ baa.​—Yakobo 1:14, 15.

Mɛi komɛi heɔ yeɔ akɛ adesai baanyɛ afee ekome kɛjie piŋmɔ kɛya, shi mɛi krokomɛi hu enaaa akɛ nibii gbohii ni yaa nɔ yɛ je lɛ mli lɛ asɛɛ baafo. Te bo hu osusuɔ tɛŋŋ?

Nɔ ni Biblia lɛ kɛɔ

Nyɔŋmɔ baafo piŋmɔ sɛɛ. Biblia lɛ kɛɔ akɛ, “Gbele bɛ dɔŋŋ, asaŋ awerɛhoyeli ko loo yarawoo ko loo hejaramɔ ko hu bɛ dɔŋŋ.”—Kpojiemɔ 21:3, 4.

Mɛni hu wɔkaseɔ kɛjɛɔ Biblia lɛ mli?

• Nyɔŋmɔ baatsɔ Yesu nɔ ejie piŋmɔ ni Abonsam kɛbaa lɛ kɛya.​—1 Yohane 3:8.

• Gbɔmɛi kpakpai baahi shikpɔŋ lɛ nɔ yɛ toiŋjɔlɛ mli kɛya naanɔ.​—Lala 37:9-11, 29.