Biblia mli sane ni baanyɛ awa bo:

• La 78:​40, 41; 106:​36-46—Israelbii lɛ tse Yehowa hiɛ atua shii abɔ, ni amɛfee lɛ nidɔɔnii shii abɔ, shi Yehowa tee nɔ ekɛ amɛhe ke amɛ

• Luk 15:​11-32—Yesu gba nɔkwɛmɔnɔ ko kɛtsɔɔ bɔ ni Yehowa kɛ eshai keɔ waa lɛ; etsɔɔ mli akɛ, tsɛ ko ni naa mɔbɔ lɛ kɛ ebinuu ni fee nibii gbohii, shi sɛɛ mli lɛ etsake etsui lɛ he ke lɛ, ni ekɛ lɛ ye jogbaŋŋ

Biblia mli sane ni baanyɛ awa bo:

• Heb 9:​22-28—Bɔfo Paulo tsɔɔ akɛ Kristo lá, ni ji ewala ni ekɛbashã afɔle lɛ nɔ Yehowa damɔɔ ekɛ wɔhe eshai keɔ wɔ

• Kpo 7:​9, 10, 14, 15—Yɛ ninaa ko mli lɛ, bɔfo Yohane na “asafoku babaoo ko” ni yɔɔ shidaamɔ kpakpa yɛ Nyɔŋmɔ hiɛ, ejaakɛ amɛyɛ hemɔkɛyeli yɛ Kristo lá ni ekɛbashã afɔle lɛ mli

Biblia mli sane ni baanyɛ awa bo:

• Hio 42:​7-10—Hiob nanemɛi etɛ komɛi wie amɛshi lɛ, shi Yehowa bi koni Hiob asɔle ahã amɛ, ni no sɛɛ dani Yehowa jie Hiob amanehulu lɛ, etsa ehela lɛ, ni ejɔɔ lɛ

• Mat 18:​21-35—Yesu gba nɔkwɛmɔnɔ ko kɛtsɔɔ akɛ, kɛ́ wɔmiitao ni Yehowa kɛ wɔhe eshai ake wɔ lɛ, esa akɛ wɔ tsutsu wɔkɛ mɛi ni tɔ̃ɔ wɔnɔ lɛ ahe eshai ake amɛ

 Biblia mli sane ni baanyɛ awa bo:

• La 32:​1-5; 51:​1, 2, 16, 17—Akɛni Maŋtsɛ David fee eshai ni yɔɔ hiɛdɔɔ hewɔ lɛ, enu he tamɔ nɔ ni emli nu eŋa, ni etsui kumɔ, shi ejɛ anɔkwayeli mli etsake etsui

• Yak 5:​14-16—Yakobo tsɔɔ mli akɛ, kɛ́ wɔfee esha ni yɔɔ hiɛdɔɔ lɛ, esa akɛ wɔyakɛɛ asafoŋ onukpai lɛ

Biblia mli sane ni baanyɛ awa bo:

• 1Ma 21:​27-29; 2Kr 18:​18-22, 33, 34; 19:​1, 2—Be ni Yehowa bu Maŋtsɛ Ahab fɔ lɛ, Ahab ba ehe shi ni Yehowa na lɛ mɔbɔ; shi efeee nibii ni tsɔɔ akɛ etsake etsui lɛɛlɛŋ, no hewɔ lɛ, Yehowa bu lɛ efɔŋfeelɔ, ni ehã agbe lɛ

• 2Kr 33:​1-16—Maŋtsɛ Manase fee efɔŋ kpele diɛŋtsɛ; kɛ̃lɛ, etsake etsui ni Yehowa kɛ ehe eshai lɛ ke lɛ. Manase wu eshi wɔŋjamɔ, ni efee nibii ni baahã jamɔ krɔŋŋ ashwere ekoŋŋ ni ekɛtsɔɔ akɛ etsake etsui lɛɛlɛŋ

Biblia mli sane ni baanyɛ awa bo:

• 2Sa 12:13; 24:1; 1Ma 9:​4, 5—Eyɛ mli akɛ David fee eshai srɔtoi ni yɔɔ hiɛdɔɔ moŋ, shi etsake etsui ni Yehowa kɛ ehe eshai lɛ ke lɛ, ni sɛɛ mli lɛ, Yehowa wie David he akɛ mɔ ni kɛ tsui krɔŋŋ nyiɛɔ yɛ ehiɛ

Biblia mli sane ni baanyɛ awa bo:

• Mat 26:​36, 40, 41—Yesu sɛɛnyiɛlɔi kpaakpa lɛ wɔ be ni amɛyelikɛbuamɔ he miihia Yesu waa; fɛɛ sɛɛ lɛ, Yesu nu amɛ shishi, ejaakɛ eyɔse akɛ amɛmiisumɔ ni amɛye amɛbua lɛ moŋ nɛ, shi etɔ amɛ

• Mat 26:​69-75; Luk 24:​33, 34; Bɔf 2:​37-41—Petro tso shii etɛ sɔŋŋ akɛ eleee Yesu, shi sɛɛ mli lɛ, bɔfo Petro tsake etsui ni Yesu kɛ ehe ke lɛ; be ni atee Yesu shi lɛ, eyajie ehe kpo etsɔɔ Petro tɛ̃ɛ, ni sɛɛ mli lɛ ekɛ sɔɔmɔ hegbɛi krɛdɛi komɛi wo edɛŋ yɛ asafo lɛ mli

 Biblia mli sane ni baanyɛ awa bo:

• Mat 23:​29-33—Yesu bɔ woloŋmalɔi lɛ kɛ Farisifoi lɛ kɔkɔ akɛ, akɛ kuu lɛ, kɛ́ amɛtsakeee amɛtsui lɛ, amɛnyɛŋ amɛjo Gehena kojomɔ lɛ naa foi loo abaakpãtã amɛhiɛ kɛya naanɔ

• Yoh 17:12; Mar 14:21—Yesu tsɛ Yuda Iskariot akɛ “hiɛkpatamɔ bi lɛ,” ni ewie akɛ eji afɔɔɔ sɛɛgbɛtsɔɔlɔ nɛɛ kulɛ, ehi