MƆ YAMBI 7
Royaume pɛ Sɔ nɛ ge nde?
1. Royaume pɛ Sɔ nɛ ge nde?
Ha zu ge Jésus sona ha dung dede wan-le?—MARC 1:40-42.
Royaume pɛ Sɔ nɛ ma solo-wan ka yo dung ha zang ngɔn. Yo be ku bin bhandi Royaume pɛ hio wi fɛt yo be de nde ɛ demɔ ka sila Sɔ ngoya ha zang ngɔn fin ha zu nu. Yo nɛ ma dede wen, ka Royaume pɛ Sɔ ngoy mɔ de yo. Ha zang ma bengimɔ, Royaume pɛ Sɔ be de ha tɛ hio wi hio mɔ ka ɔ ngoya nde ma Royaume a de ha tɛ ɔ. Yo be wesiri bin hio wi mɔ zu nu fɛt mburr.—Tɔli Daniel 2:44; Matthieu 6:9, 10; 24:14.
Ha zang ma Royaume ɛ be kpa wan-lea Jéhovah kuɔ bem pɛa, Jésus, mɔ dung wan-le mɔ Royaume pɛa.—Tɔli Gbasamɔ 11:15.
Zɔ vidéo Royaume pɛ Sɔ nɛ ge nde?
2. Ha zu ge Jésus nɛ ma dede wan-le nde?
Bem pɛ Sɔ ha dung nɛ dede wan-le ha zu ade mɔ nɛ dede sila ade ka nɛ dede mɔ (Matthieu 11:28-30). Wɛnɛ fin nɛ ngaya mɔ ha kɔ ha hio wi ha zu ha zang ngɔn a ba wan-le ha ki gbo ha nu. Ha gdong ɛngɛ ka ɛ tunso wɛnɛ ha fio, Jésus sio ha ngɔn adung ha pɛtɛ Jéhovah ha wal we kɔ, mɔ kɛri (Hebro 10:12, 13). Ha pata, Sɔ ha wɛnɛ ngaya mɔ dung wan-le ha zang ngɔn.—Tɔli Gbasamɔ 11:15.
3. Jésus nɛ hio o ha bedung wan-le nde?
Hio ma giliwi ka ɛ sa mbua nde hio wi mɔ bu sila be dung wan-le bin gbesi nɛ Jésus ha zang ngɔn (Daniel 7:27). Hio wan-nɛtom pɛ Jésus ka ba nɛ nɔa nɛ hio bosi wi ka ɛ ku mbua mɔ tɛ tuka hio wi busila. Gbo mɛsɛ Jéhovah bhɔna kio hio wi mɔ kpa hio wi ka ba nɛ nɔa mɔ tɛ hio wi mɔ busila. Tuka pɛ Jésus, ɛ tunso mbua ha fio nɛ ma tɛ ka ɔ zɔk mbua na.—Tɔli Jean 14:1-3; 1 Korente 15:42-44.
Hio wi ge ha be nɛ ha ngɔn nde? Jésus sa mbua nde “bebe zugili sami.” (Luc 12:32). Zu mbua fɛt bedung bin nɛ 144 000. Ha ngɔn aki mbua nɛ Jésus ha bedung wan-le ha nu.—Tɔli Gbasamɔ 14:1.
4. Nɛ ge ka ba hɔ ha ngimɔ ka Jésus angara dungo wan-le?
Royaume pɛ Sɔ angara ba wan-le ha bɛlɛ 1914. * Bosi mɔ ka Jésus dea tuka wan-le nde wɛnɛ a pi Zabolo ha zu nu gbesi nɛ hio gdanga Sɔ ka ba pata Satan. Satan dea ngambi nɛ ngaya wɛnɛ angara tɛa nɛ gdanga mɔ ha zu nu (Gbasamɔ 12:7-10, 12). Bhee ha ngimɔ ki, bɔnɛ pɛ hio wi nɛ ka nɛ ha zua. Bulo, foto gdanga zɛlɛ ka gbɛ wi nɛ yaka nu dung ha soko hio mɔ ka osi nde Royaume pɛ Sɔ tɛ bɔ sanga kari mɔ bhongiri hio gdanga mɔ zu nu.—Tɔli Luc 21:7, 10, 11, 31.
5. Nɛ ge ka Royaume pɛ Sɔ be de nde?
Nɛ wal osa wen mɔ Royaume pɛ Sɔ ha zu nu fɛt, Royaume be wesiri hio wi nɛ dɔka mɔ kandɔ nɛtɛ nɛtɛ fɛt. Hio wi tomay nɛ dɔka nɛ dɔka ka dung nɛ sila bhobem ha bedung ha si konga-wan pɛ Jésus. Royaume pɛ Sɔ be pam mbua ha ngimɔ tukolo gdanga mɔ, mɔ ngimɔ kɛ. Mɔngɔ hio wi fɛt ka ngoya mɔ kpa dede mɔ mɔ Royaume pɛ Sɔ, lɛma nde mbua yambi mɔ ze nu Jésus.—Tɔli Gbasamɔ 7:9, 14, 16, 17.
Ha zang bɛlɛ 1000, Royaume be demɔ ka Sɔ ba ngoy so mɔ de ha zu hio wi ha bosia. Zu nu fɛt be tɛ paradis. Ha pata, Jésus be kifiri Royaume ha bafa wa (1 Korente 15:24-26). Mɛ ingɔ ma wi ka mɛ ngoy mɔ osi wen mɔ Royaume pɛ Sɔ ha wɛnɛ?—Tɔli Matthieu 5:5.
^ par. 6 Mɔ kpa hio ma be sɛkɛ-sɛkɛ wen ka tɔ wen ha zu prophétie mɔ Bible ka tɔ wen ha zu bɛlɛ 1914 zɔk wa mbeti 216-218 mɔ mbɛti Bible alingbi ti fa nyen na e?
