« Que ton règne vienne ! » : roun lapriyè ki milyon moun ka résité
Ès ou ja priyè pou rwayonm Bondjé-a vini ? Dipi plizyèr syèk, milyon moun ka répété : « Que ton règne vienne ! » Poukisa yé ka fè sa lapriyè-a ? Paské Jézi di so disip priyè pou « règne », ouben « rwayonm », Bondjé-a.
Disip Jézi-ya pa konprann touswit tousa i té ka di asou Rwayonm-an. Roun jou, yé doumandé li : « Sényèr, ès a aprézan to ké roumété rwayonm-an pou Israyèl ? » Annan so répons, Jézi pa di yé kitan rwayonm Bondjé-a té ké vini. É pitèt, sa fè yé rété èstébékwé (Actes 1:6, 7). Ès sa lé di ki nou pa pouvé savé a kisa ki rwayonm Bondjé-a, ni kitan i ké vini ? Non, a pa sa menm. Nou pouvé savé !
Sa niméro di Tourdégard-a ké idé ou anprann répons asou sa késyon-yan :
A kisa ki rwayonm Bondjé-a ?
Poukisa nou bézwen rwayonm Bondjé-a ?
Kimoun ki Rwa di sa rwayonm-an ?
Kitan sa rwayonm-an ké dirijé latè-a ?
Kisa i ké fè ?
Poukisa nou divèt chwazi soutni rwayonm Bondjé-a dipi aprézan ?
Gadé osi...
ANSÈYMAN ASOU LABIB-A KI ENPÒRTAN
A kisa ki Rwayonm Bondjé-a ?
Lò Jézi té asou latè-a, i palé èspésyalman di Rwayonm Bondjé-a. Sa ka fè plizièr sièk, so disip ka priyè pou sa Rwayonm-an vini.
