Ma a bati aika iangoia bwa e aki kona n reke anne. A a tia n nori baika riki aika aki kantaningaaki n aron te COVID-19 ae rotii maiuia aomata, e kakerikaaka kaubwain te aba, ao ni kamateia aika bati. Ngaia are a a namakinna aomata bwa e kangaanga reken te kabwaia nakon taai aika a na roko.

Ibukin anne, a bati aika kakorakoraia n ukeri aanga ake e na kairiia nakon reken te kabwaia. Tabeman a onimakini baika aki nonoraki ao a iangoia bwa e a kamani baireaki maiuia. A bati aika uaiakina te reirei ao te kaubwai, bwa a iangoia bwa a kona n reke iai baika a tangiri. Ake tabeman a iangoia bwa ngkana ko riki bwa te aomata ae raoiroi ko kona ni kabwaia iai.

Ma te koaua bwa a kona baikanne ni karekea te maiu ae ko tangiria nakon taai aika a na roko? Ibukin ataakin anne, ko riai n iangoi titiraki aikai:

• Tera raoi ae kona ni karekea kabwaiam nakon taai aika a na roko?

• Ko kona ni karekea te maiu ae kakukurei riki man te reirei ao te mwane?

• Ko kona ni kabwaia nakon taai aika a na roko ngkana te aomata ae raoiroi ngkoe?

• Ko na karekea ia te kairiri ae kona n onimakinaki, ae e na anganiko te kabwaia nakon taai aika a na roko?

Ko kona ni karekei kaekaan titiraki akanne n Te Taua-n-Tantani aei.