Páladaìs A Íná Ku Ló
Naa Dã̀ànlóòd:
1. Zẹ́ẹ́ na ẹb bé nu dú lé naa,
Nè bé sĩ́ dee kpé dẽe naa,
Nè ge zààva ló pá vígà
É kọ níí náa ẹ́ẹ̀lẹ̀ nyíè olo?
È moǹ dénè pá vígà
Bií ló gbò e ba beè ù.
À dú tṍó kà ẹ́ẹ́-ẹẹ̀ nyíe.
Lèèlà á dì nè bẹẹ Tẹ̀.
2. Gbò nen é gbóó õ̀ònà ló kẽ,
Vaá nu e fóò dum leevè.
Kọ̀láá ketõ̀ò kpé dẽe gè ẹ̀b;
Ẹ̀b bé múú ọ́bví vaá kpe dẽe naa!
Ni dalà dẽé ni lọl kẽ
Ẹ̀bmà tóm dũ̀ùnè Bàrì.
Boo vó, è kọ́ọ̀ ọ̀ọ̀ zaagé!
Lèèlà á dì nè bẹẹ Tẹ̀.
(GE GBÁ DẼE)
Gbò e vulè, nè pá vígà,
À dú lé gè dì vá kpàn lee,
Tṍó e Bàrì é lọl gĩ́ì tó.
Bàrì a nyááná dénè nu.
3. Zẹ́ẹ́ na ẹb bé nyíé-i ẹ́ẹ naa
Ló gbò nú e Bàrì ne,
Nè gbò nú e gé monmà dẽe;
Bií ló dénè gbò e beè vùlè.
È gbóò õ-á zaà Jìhóvà.
Tọ́ọ̀ nu pọ̀ náa é di nà.
Gbò nen é tõó mm̀ ẹ́ẹ́ nyíe.
Lèèlà á dì nè bẹẹ Tẹ̀.
(GE GBÁ DẼE)
Vaá kọ̀láá dee, è moǹ gbò nu
’A zógè kọọ̀ olo dúù lé!
À ólò nè-i ẹ́ẹ́-ẹẹ̀ nyíe
Kọ è tób bũ̀ùnà bẹẹ gbò nen.
4. Ĩ̀ìmà elá bànà
Gbò zìgà nù Jìhóvà.
À dĩine ló dénè beele;
À bọ́ló kọ é dẹlẹ nyíé boo
Kọ̀láá kà gbò o zìgà nù.
Tṍó e bugì togó boo
Bé o vulè bọọ́ gbàà naa,
À dú nú e géè ẹ̀bmà dẽe.
