Adama da Hawa di lonɠaa kaa, ə lɛɛ nu kpulu ə kɛnɛ lɔi mɛi. Naa lowai tii, malaka ta kpɛliɠaa di hwilɛn Sətana pulu.

Di pa lɔi mɛi nu kɔlɔ hu, di nɛa həɠə, di lon gaa diɛ. Di lonnii kpea-kpea kɛ, di tɛɛ nua yiiɠaa ti diɛ. Di hwaŋa kɛnɛ, di maa ɲɔuyɛ, diɛ mɛniɲɔn gɛ.

Lɔi mɛi laa ə hwɛɛ a mɛniɲɔngɛnua. Biblə kaa ɉu kulɔi yɛ kɛ ma, yɛnɛɛ nua túwɔ́ pələ da di kiliŋahiɛ pələ ɲɔnwɔɔ kɛ a yələ kəlee.

Nuwe ə kɛ a mɛni lɛlɛɛ kɛ mun. Zehova ə mo ma yɛ ma, gaa pai mɛniɲɔngɛnua nwun na pilii a ya nwana.

Yálá ə mo ma yɛ ma ə kələn gɛnɛ kpɛtɛ. Ə ɲəi ɓɛlɛn nua da huwɔ húwú kəlee lɔ ɉu.

Nuwe ə ɲa nwana maa lolo ɓo. Kəlaa nua di ho nwoo mɛn. Nu taɠaa di kɛi yɛlɛ kulɔ ɉu, daɠaa diɛ yowolaa hee ma.

Gələn gbɛtɛɛ pulu, Nuwe ə ɲəi ɓɛlɛn nua da huwɔ húwú kəlee lɔ ɉu.